Urkunde Nr. 3006 aus Band V

Seite im UB:

520-521

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. V, Nova Collectio posterior (Inventar 28), Nr. 1847.

Druckvorlage:

nach Abschrift

Abdruck als:

Volltext

Sprache:

Latein

---

3006

Hermannstadt 1456 April 7 Antonius, Domherr zu Weissenburg und Pfarrer von Hermannstadt, erteilt der Agnethlerin Katharina die Erlaubnis, sich einen eigenen Beichtvater zu wählen.

Anthonius¹⁾ decretorum¹⁾ doctor¹⁾ canonicus ecclesiae Transsiluanensis necnon plebanus Cibiniensis per reverendum in Christo patrem et dominum dominum Dyoni-[S. 521] sium archiepiscopum Strigoniensem legatum natum necnon cardinalem Romanae ecclesiae et legatum a latere in regno Hungariae in Cibiniensi decanatu ad gratias apostolicas universali ecclesiae concessas comissarius ad infrascripta specialiter deputatus universis et singulis Christi fidelibus has nostras praesentes literas inspecturis pateat evidenter, quomodo circumspecta et discreta femina Katherina netrix de valle Agnetis²⁾ Strigoniensis iurisdictionis pro orthodoxae fidei subsidio et exercitus contra perfidissimum crucis Christi persecutorem Turcorum imperatorem congregatione quinque florenos auri puri monetae Hungaricalis aput [ ]³⁾ hoc deputatum reposuit. Quapropter auctoritate apostolica nobis in hac parte concessa eidem indulgemus, ut confessor idoneus quem duxerit eligendum sibi in sinceritate fidei unitate sanctae Romanae ecclesiae ac obedientia persistenti omnium peccatorum suorum de quibus corde contrita et ore confessa fuerit semel dumtaxat in vita absolutionem etiam in casibus reservatis sedi apostolicae et in mortis articulo plenariam remissionem eidem concedere valeat tenore praesentium concedimus pariter et donamus per praesentes. In quorum fidem et testimonium has nostras literas sigilii nostri roboramine ob ipsius uberioris cautelae respect um iussimus communiri. Datum Cibinii septima die mensis Aprilis, anno domini millesimo quadringentesimo quinquagesimo sexto.

Absolutio

Dominus noster Jhesus Christus dignetur te per meritum suae passionis absolvere et ego auctoritate eiusdem domini nostri Jhesu Christi et beatorum Petri et Pauli apostolorum et auctoritate sacrosanctae Romanae ecclesiae in hac parte mihi specialiter concessa absolvo te ab omnibus peccatis tuis etiam sedi apostolicae reservatis quibus ore confessus et corde contritus existis et illam plenariam omnium peccatorum remissionem tibi hac vice concedo, quam sacrosancta Romana ecclesia omnibus pro exercitus contra perfidum crucis Christi persecutorem Turcorum imperatorem congregatione concedere consuevit. In nomine patris et filii et spiritus sancti amen.


1) In verlängerter Schrift. [3x]^{^}
2) Hierauf dicta de Cibinin getilgt.^{^}
3) Bruchstelle: 3 cm.^{^}