Urkunde Nr. 3014 aus Band V
- Seite im UB:
- 527
- Heute in:
- Kronstadt, Archiv der Honterusgemeinde
- Heutige Signatur:
- I E (Burzenländer Kapitel, Urkunden), Nr. 165.
- Druckvorlage:
- nach Original
- Abdruck als:
- Volltext
- Sprache:
- Latein
3014
Gran 1456 April 25 Dionysius, Erzbischof von Gran, ersucht Johannes von Hunyad, den Kastellanen der Törzburg zu verbieten, dass sie den Pfarrer von Cernatu im Genuss der Zehnten von Satulung, Turcheş und Baciu stören. Orig. Pap. Archiv der Evang. Kirchengemeinde A. B. Braşov I E 165. Ringsiegel in rotes Wachs, papierbedeckt, auf der Rückseite zum Verschluss aufgedrückt. [-- Orig. Pap., Staatsarchiv Hermannstadt, Urkunden des Burzenländer Kapitels [Capitlul evanghelic CA Ţara Bârsei] (Inventar 459), Nr. 33, Siegel, papierbedeckt, vorne aufgedrückt.]
Magnifice vir, frater noster carissime. Exposuit nobis cum querela honorabilis vir dominus Johannes, plebanus de sancto Michaele, ecclesiae nostrae Strigoniensi subiectus, qualiter egregii castellani vestri in castro Thyrczwar vocato constituti, decimas villarum Langendorff, Thyrkendorff et Baach vocatarum ad ipsum et ecclesiam suam de sancto Michaele iure parochiano pertinentias praeter voluntatem suam tulissent, levassent et recipissent ac tollerent et levarent in ipsius et dictae ecclesiae suae praciudicium et damnum manifestum. Et quia dicta ecclesia sua per potentem receptionem ipsarum decimarum in bonis suis adeo est attenuata ac in divinus cultibus diminuta, quod nec ipse eidem ecclesiae commode praeesse neque Christi fidelibus plebizanis scilicet suis divina peragere aut ecclesiastica sacramenta administrare possit prout deberet propter diminutione muneri capellanorum, quos eum tenere opporteret, si suas decimas perciperet. Ideo fidelitatem vestram rogamus diligenter, quatenus praesentium ob intuitum dei cuius servitia ut praemittitur per indebitam ablationem decimarum praefatarum diminuta sunt et videntur diminui. Tandem ob amorem nostri et salutem animae vestrae serio suis praecipiendo committatis dictis castellanis vestris de Thyrczwar, quod ipsi se deinceps non intromittant de decimis praefatis et eas levare et recipere non praesumant, sed eas decimas praefatum plebanum de Sancto Michaele libere et pacifice percipere permittant et eum non impediant. Adeo quod ipse praefatae ecclesiae liberius praeesse ac divina peragere et virtutum domino secura libertate famulari valeat. In hoc efficiet fidelitas vestra rem deo gratissimam et nobis acceptam sibi vero magnam laudem. Ex Strigonio in festo beati Marci evangelistae, anno domini M
o CCCC
o L
mo sexto.
Auf der Rückseite Adresse: Magnifico domino Johanni de Hwnyad, comiti Bistriciensis, fratri nostri carissimi. Dyonisius cardinalis, archiepiscopus Strigoniensis.
Von einer Hand des 15. Jh.s: De decimis praediorum.