Urkunde Nr. 3020 aus Band V

Seite im UB:

530-531

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25), Nr. 167.

Druckvorlage:

nach Original

Abdruck als:

Volltext

Sprache:

Latein

---

3020

Gran 1456 Mai 13 Dionysius, [Kardinal,] Erzbischof von Gran, fordert die Plebane, Kapellenund Altarvorsteher seiner Diözese und besonders der siebenbürgischen Teile auf, alle Personen, die ihrer Abgabenpflicht an die erzbischöfliche Kirche nicht nachkommen, mit dem Bann zu belegen.

Dyonisius miseratione divina tituli sancti Ciriaci in thermis sanctae Romanae ecclesiae presbiter cardinalis archiepiscopus Strigoniensis locique eiusdem comes perpetuus, primas et apostolicae sedis legatus natus ac in regno Hungariae eiusdem sedis de latere, dilectis nobis in Christo universis et singulis plebanis ecclesiarum parochialium, capellarum, oratoriorum et altarium rectoribus in et sub nostra Strigoniensi et eius iurisdictione spirituali et praecipue Transsilvanae diocesibus ubivis constitutis et existentibus, qui praesentibus fueritis requisiti seu vestrum alter fuerit requisitus, salutem in domino et nostris firmiter obedire mandatis. Intelleximus qualiter plerique forent nobiles et possessionati homines in partibus Transsiluanis commorantes, qui interdum multas variasque difficultates in extradandis nostris decimis nobis et ecclesiae nostrae Strigoniensi ab antiquo more consveto tam de quinquagesimis regalibus earundem¹⁾ partium, quam etiam urburis et cusionibus monetarum auri pariter et argenti camerae Cibiniensi de eorum medio pro tempore provenire debentibus facerent, ita quod ipsae in non parva earum parte multotiens permanerent insolutae in nostrum et eiusdem ecclesiae nostrae iuris praeiudicium et dampnum non modicum. Et quia nobis ex indultu apostolico specialiter est concessum, ut nos singulos proventus nostros et ecclesiae nostrae praefatae ubicumque et undecumque in hoc Hungariae regno et terris eidem annexis nobis et ipsi ecclesiae nostrae cedere debentes per censuras ecclesiasticas aliaque solita iuris remedia exigere et expetere valemus, nos igitur circa proventuum nostrorum et ecclesiae nostrae prout ex iuramento per nos praestito tenemur augmentationem sollicitis studiis intendere cupientes, ne nostris temporibus iidem quovismodo diminutionem patiantur. Vestrae igitur et cuiuslibet vestrum devotioni in solidum in virtute sanctae obedientiae et sub excommunicationis poena, <pb<531</pb< quam in vos et alterum vestrum huiusmodi nostrum mandat um exequi recusantem seu recusantes trium dierum canonica monitione praemissa a die exhibitionis praesentis vobis fiendae in antea computando ferimus in his scriptis strictissime et firmissime praecipiendo committimus et mandamus, quatenus mox visis praesentibus ac dum et quando et quotienscumque per nobilem Anthonium de Bazna quinquagesimatorem et pisetarium seu ponderistam nostrum vel eius homines praesentium videlicet exhibitores fueritis requisiti seu vestrum alter fuerit requisitus, extunc universos et singulos parochianos vestros dictarum nostrarum decimarum videlicet nobis et ecclesiae nostrae iamfatae, ut praemittitur, tam de quinquagesimis, quam urburis et cusione monetarum praenotatae camerae Cibiniensis provenire debentium non persolutores et retentores aut eundem nostrum quinquagesimatorem et pisetarium vel eius homines in huiusmodi nostris exigendis decimis quoquomodo impedientes vestris piis exhortationibus requiratis et moneatis. Quos et nos sic harum tenore requirimus et monemus, ut ipsi infra novem dierum spatium a die monitionis vestrae de ipsis fiendae computando, quorum dierum spatium eis tres pro primo, tres pro secundo, reliquos vero tres dies pro tertio ultimo et peremtorio termino praefugimus sub excommunicationis poena, quam in eos, nisi ea fecerint, quae ipsis praesentibus mandamus ferimus in his scriptis praefato Anthonio quinquagesimatori et pisetario nostro decimas nostras huiusmodi pleno cum effectu extradent et persolvant eundemque et eius homines in nullo impediant. Alioquin eosdem huiusmodi transacto termino vestris et cuiuslibet vestrum in ecclesiis, capellis et oratoriis, dum maior in eisdem ad divina audienda populi convenerit multitudo singulis diebus dominicis et festivis infra missarum sollemnia pulsatis campanis, candelis accensis eisdem extinctis ac demum in signum maledictionis aeternae in terram proiectis publice excommunicatis seu excommunicatos faciatis denunciari, tamdiu donec dicto quinquagesimatori ac pisetario nostro de praefatis retentis deeimis et impedimentis praestitis plenariam fecerint satisfactionem, de absolutione quoque eorundem vobis constiterit evidenter. Aliudque a nobis superinde habueritis in commissis salvo reservato, quod si qui se indebite gravatos allegarent, extunc eosdem omnes et singulos in vicarii nostri Strigoniensis in spiritualibus generalis peremptorie auctoritate nostra immo verius apostolica nobis in hac parte concessa citetis praesentiam ad terminum competentem rationem allegaturi rationabilem, si quam habuerint allegaturi ac recepturi et audituri ab eodem id, quod iustum fuerit et ordo dictaverit rationis. Et post haec seriem totius executionis vestrae et quidquid in praemissis feceritis totiens quotiens opportunum fuerit, cum nominibus et cognominibus monitorum, denunciatorum aut citatorum praefato vicario nostro conscientiose rescribatis. Praesentes vero apud praesentantem volumus et mandamus remanere. Datum Strigonii octava die festi ascensionis domini, anno eiusdem millesimo quadringentesimo quinquagesimo sexto.

Von Schreiber der Urkunde: Johannes Zaaz de Coloswar, notarius in praemissis.


1) Vorlage eorundem. ^{^}