Urkunde Nr. 3038 aus Band V

Seite im UB:

540-541 ^a)

Heute in:

Kronstadt, Staatsarchiv [Direcţia Judeţeană Braşov a Arhivele Naţionale ale Romȃniei]

Heutige Signatur:

Fond 1: Stadt Kronstadt [Primaria Municipiului Braşov], Sammlung Schnell II, Nr. 14.

Druckvorlage:

nach Original

Abdruck als:

Volltext

Sprache:

Latein

---

3038

Târgovişte 1456 September 6 ^b) Vlad Ţepeş, Woiwode der Walachei, bestätigt ein mit den Vertretern des Burzenländer Distriktes abgeschlossenes Übereinkommen, durch das ihm im Burzenland Zuflucht zugesichert wird, wenn er sich gegen die Türken stellt. [S. 541]

Nos Vlad partium Transsiluanarum vaivoda et dominus terrarum de Fogaras et Omlas memoriae commendantes tenore praesentium significantes omnibus quibus expedit universis quia considerantes nonnullorum de generatione Merche vaivodarum patris et fratrum nostrorum servitia, quae ipsi ac ubique legibus Hungariae et sacrosanctae eorum coronae fideliter exhibuerunt¹⁾ ac se deffensione ortodoxae fidei catholicae²⁾ gratas et acceptas reddiderunt. Nos eorum vestigia et actus imitari volentes in adeptione prima huius Valachiae dominationis pro maiori experientia serenissimo principi domino domino Ladislao Hungariae, Bohemiae, Dalmaciae, Croaciae et cetera regi duci Austriae, domino nostro gratiosissimo sua in iuventute nostram fidelitatem ostendere et facere volentes caput quoque nostrum et nostrorum omnium in sinum et protectionem suae serenitatis inclinantes prae timore Turcorum in persona ipsius domini nostri regis ad Saxones et fidem omnium civium de Brassouia et provinciae Burchiae commorantium perfecta fide confidentes atque Brassouiensium sub fide et iuramento firmissimo Georgium quondam iudicem, Gasparum Aurifabrum et alterum Gasparum Magnum carnificem ac Thes iudicem de Rasnaua in personis cunctorum seniorum dicto de Burchia ad nos venientes cum ipsis sub iuramento et fidei deo debita disposuimus³⁾ et ordinavimus, ut quandocumque et quotienscumque in processu temporum prae timore Turcorum aut expulsione nostrorum inimicorum ad partes Hungariae et ipsorum in medio devenire contingeris ipsi nos et nostros suscipiant, pie tractant, nutriant et inimicis nostris inimici sint et nos contra Turcos et aliorum ipsorum inimicorum potentias viribus et potentiis in deffensione resistere debeamus et iam ipsi quousque ipsorum in medio fuerimus ab omnibus illicitis hominibus deffendere et si aliqua dampna nos et nostri inter ipsos aut sub metis ipsorum extra patiamur de hiis respondere debeant. Praeterea quemadmodum ipsis priores nostri praedecessores fecerunt in bonis sic vel melius facere volentes et quidquam ipsi concluserunt debito fine ea omnia firmiter tenentes insuper addimus, ut quicumque vel quiscumque iusti ad has nostras partes venerit vel venerint nisi tributa persolvat pacifice ac omni sine impedimento ambulat, ita etiam quod iusti pro iniustis non arestantur, sed si aliquis aliquid accessus habuerit id coram nobis aut nostris deputatis officialibus acquirat. Haec omnia praemissa et alia quae debito ordine pertinent ad fidem et fidelitatem observandum dicto domino nostro regi ac ipsis civibus de Brassouia et senioribus de Burchia sponte asumpsimus et promittimus in fidem deo debitam et humanitatem usque mortem nostram inviolabiliter firmiter tenere harum literarum nostrarum et testimonio sigilii⁴⁾ nostri quo utimur mediante. Datum in Tergouistia feria secunda proxima ante festum nativitatis virginis Mariae, anno domini millesimo quadringentesimo quinquagesimo sexto.


a) Seitenumbruch nach Kopfregest.^{^}
b) Ausstellungsort im UB als: Tîrgovişte.^{^}

1) Vorlage exhiberunt.^{^}
2) Vorlage cattolicae.^{^}
3) Vorlage ..ossui... ^{^}
4) Vorlage sigulli. ^{^}