Urkunde Nr. 3044 aus Band V

Seite im UB:

545-546

Heute in:

Kronstadt, Archiv der Honterusgemeinde

Heutige Signatur:

I E (Burzenländer Kapitel, Urkunden), Nr. 166.

Druckvorlage:

nach Original

Abdruck als:

Volltext

Sprache:

Latein

---

3044

Futak 1456 Oktober 27 König Ladislaus verbietet den Szeklergrafen und den Kastellanen der Törzburg, der Pfarrkirche zu Marienburg die ihr durch Johannes von Hunyad vermachten Einkünfte aus einer Mühle am Homorod vorzuenthalten.

Ladislaus dei gratia Hungariae, Bohemiae, Dalmaciae, Croaciae et cetera rex, Austriaeque et Stiriae dux necnon marchio Morauiae et cetera fidelibus nostris magnificis comitibus Siculorum nostrorum vel vestris vicecomitibus aut castellanis castri nostri Theerch vocati nunc constitutis et in futurum constituendis salutem et gratiam. Exponitur nobis pro parte fidelis nostri discreti viri plebani parochialis ecclesiae beatae Mariae virginis in opido nostro Fewld-[S. 546] war¹⁾ fundatae querulose, quomodo vos ad contenta certarum aliarum literarum exinde confectarum quandam deputationem cubulae²⁾ seu mensurae regalis de proventibus frugum unius molendini in fluvio Homoroth cis opidum nostrum Fewldwar¹⁾ vocatum terrae nostrae Barczensis decurrente per quondam spectabilem et magnificum Johanem de Hwnyad comitem Bistriciensem praedictae ecclesiae beatae Mariae virginis factam, cui nos nostrum regium consensum praebuissemus³⁾ ipsi ecclesiae extradare hactenus non curassetis et nec curaretis de praesenti in praeiudicium eiusdem ecclesiae et damnum atque contemptum literarum nostrarum praedictarum manifestum. Et quia nos praescriptas literas nostras regales inviolabiliter per vos volumus observari, ideo fidelitati vestrae firmiter praecipimus et aliud habere nolentes mandamus, quatenus visis praesentibus rebus praemisso modo stantibus alio etiam nostro mandato superinde non expectato iuxta contenta praedictarum aliarum literarum nostrarum praedictam deputationem cubulae²⁾ seu mensurae regalis de proventibus frugum dicti molendini per praefatum quondam comitem Johannem modo praemisso praefatae ecclesiae beatae Mariae virginis factam eidem suis loco et tempore extradare modis omnibus debeatis et aliud facere non praesumatis. Praesentibus perlectis exhibenti restitutis. Datum in Fwthak⁴⁾ in vigilia festi beatorum Symonis et Jude apostolorum, anno domini millesimo quadringentesimo quinquagesimo sexto, regnorum nostrorum anno Hungariae et cetera decimo septimo, Bohemiae vero tertio.

Von der Kanzlei: Ex commissione propria domini regis.

Unten: Lecta.


1) Einschaltung Ffewldwar. [2x]^{^}
2) Einschaltung cubuli. [2x]^{^}
3) Gebessert aus praebuimus. ^{^}
4) Einschaltung Ffwthak. ^{^}