Urkunde Nr. 3045 aus Band V
- Seite im UB:
- 546-547
- Heute in:
- Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]
- Heutige Signatur:
- Kirchenarchive A.B. [Colecţia de documente ale parohiilor ev. CA săseşti] Serie I (Inventar 223), Nr. 503 - Abt. 21: K. A. Hermannstadt [Parohia Ev. CA Sibiu], Nr.15.
- Druckvorlage:
- nach Original
- Abdruck als:
- Volltext
- Sprache:
- Latein
3045
1456 Oktober 29 Der Rat von Hermannstadt bezeugt, dass die Adligen Johannes und Ladislaus von Broşteni ihre ererbten Liegenschaften auf Grosspolder Gebiet dieser Gemeinde verkauft haben. Orig. Pap. Archiv der Evang. Kirche A. B. in der S.R. Rumänien, Sibiu U 15. Siegel, weisses Wachs, war an grüner Seidenschnur angehängt, Reste.
Nos Petrus Meolner pronunc locumtenens Oswaldi magistri civium, Johannes Crawsbogner, Nicolaus Rewße, Johannes Syglewr, Ladislaus Henlini, Johannes Sneyder, Bartholomeus Moler, Johannes Haan, Johannes Hwtter, Johannes Keorpeoner, Stephanus Alardi et Bartholomeus Hwtter ac Anthonius Abel villicus civitatis Cibiniensis notum facimus praesentium per tenore, quibus expedit universis, quod coram nobis personaliter comparentes nobiles viri Johannes et Ladislaus de Kerek ab una parte vero ab altera Cristannus Hungar et Johannes Henkel dicti iurati seniores de superiori Trapolden suis ac villici et ceterorum iuratorum seniorum necnon totius communitatis de eadem nominibus et in personis et per eosdem Johannem et Ladislaum de Kerek vivae vocis ministerio ac deliberato animo extitit confessum publice et relatum, qualiter ipsi domum ipsorum seu fundum curiae in praedicta superiori Trapolden habitum ac duo iugera vinearum in territorio eiusdem in montibus Gaysperg et Bachoff appellatis adiacentia necnon duodecimam partem molendini super ripam nigram decurrentis, simulcum pratis ac terris arabilibus et [S. 547] aliis quibuscumque hereditatibus ad ipsos per obitum quondam bonae memoriae nobilis viri Pauli Greb de praedicta Kerek genitoris eorum iure hereditario et successorio devolutis et redact(is), quae in praetacta superiori Trapold et eius territorio haberentur, praefatis villico iuratis senioribus et commnunitati de eadem pro viginti sex florenis auri Hungaricalibus veri, iusti et legalis ponderis vendidissent et assignassent, immo vendiderunt et assignarunt eisdem et suis posteris et successoribus universis iure hereditario et irrevocabiliter pro huiusmodi viginti sex florenis per ipsos ad nostri utpote scitum plenarie et effectualiter ab eisdem levatis et perceptis tenendum, possidendum pariter et habendum nihilominus assummentes praefatos villicum et iuratos ac totam communitatem pro tempore existentes contra et adversus omnes et singulos illegittimos impetitores et causidicos eosdem ratione huiusmodi hereditatum impetere et iniuste vexare molientes propriis suis laboribus fatigis et expensis defendere, protegere pariter et tueri. In cuius rei memoriam firmitatemque perpetuam praesentes literas nostras sigillo nostro autentico subappenso communitas duximus concedendas. Datum feria sexta proxima ante festum omnium sanctorum, anno domini millesimo quadringentesimo quinquagesimo sexto.
Auf der Rückseite von gleichzeitiger Hand: Ein gezeugnisbrief etc.