Urkunde Nr. 3061 aus Band V

Seite im UB:

557-558

Heute in:

Kronstadt, Staatsarchiv [Direcţia Judeţeană Braşov a Arhivele Naţionale ale Romȃniei]

Heutige Signatur:

Fond 1: Stadt Kronstadt [Primaria Municipiului Braşov], Privilegiensammlung (Colecţia privilegii) Nr. 143.

Druckvorlage:

nach Original

Abdruck als:

Volltext

Sprache:

Latein

---

3061

Ofen 1457 Februar 3 König Ladislaus bestätigt den Kronstädter Konrad Lapicida im Genuss der ihm vermachten Mühleneinkünfte in Honigberg.

[S. 558] Von der Kanzlei: Relatio domini Johannis episcopi Varadiensis, cancellarii.

Nos Ladislaus dei gratia Hungariae, Bohemiae, Dalmaciae, Croaciae et cetera rex, Austriaeque et Stiriae dux, necnon marchio Morauiae et cetera, memoriae commendamus tenore praesentium significamus, quibus expedit universis, quod nos consideratis et attentis multimodis fidelium servitiorum gratis meritis et sinceris complacentiis, quibus fidelis noster Conradus Lapicida civis civitatis nostrae Brassouiensis nobis et sacrae coronae regni nostri Hungariae sub diversitate locorum et temporum studuit assidue complacere. Volentes eidem horum intuitu servitiorum regio occurrere cum favore illam donationem quam quondam fidelis noster spectabilis et magnificus Johannes de Hunyad comes Bistriciensis dum vivebat tamquam generalis capitaneus regni nostri Hungariae praefato Conrado de sexta parte proventuum duorum molendinorum tres rotas habentium in possessione nostra Herman vocata districtus terrae Burciae nostram serenitatem concernente per literas suas coram nobis in specie productas fecisse dinoscitur. Quamque nos etiam superioribus diebus acceptasse et ratam habuisse memoramur simul cum statutione capituli ecclesiae Transsilvanae superinde legitime ut vidimus secuta, denuo et ex novo ratam, gratam et acceptam habentes eidem non obstante eo quod dicta sexta pars molendinorum praedictorum tandem per comites Siculorum taliter qualiter occupata extitit nostrum regium consensum praebemus pariter et assensum. Quocirca vobis fidelibus nostris comitibus Siculorum nostrorum et vices vestras gerentibus praesentibus et futuris firmiter committimus et mandamus, quatenus visis praesentibus a modo in posterum praefatum Conradum et heredes suos in praedicta sexta parte proventuum nostrorum regalium molendinorum praedictorum nullatenus impediatis, sed eandem ipsis semper pacifice percipere permittatis. Secus in praemissis facere non ausuri. Praesentes tandem post lecturam reddi semper iubemus praesentanti. Datum Budae secundo die festi purificationis beatae Mariae virginis. anno domini millesimo quadringentesimo quinquagesimo septimo, regnorum nostrorum anno Hungariae et cetera decimo septimo, Bohemiae vero quarto.

Auf der Rückseite von der Kanzlei: Regestrata M. Jo.¹⁾


1) M. Jo eingeschieben. ^{^}