Urkunde Nr. 3064 aus Band V

Seite im UB:

561-562

Druckvorlage:

nach Original

Abdruck als:

Volltext

Sprache:

Latein

---

3064

Ofen 1457 Februar 14 König Ladislaus verleiht der Stadt Mühlbach das Recht auf zwei Jahrmärkte und das Wochenmarktrecht.

Von der Kanzlei: Kommissio propria domini regis.

Nos Ladislaus dei gratia Hungariae, Bohemiae, Dalmaciae, Croaciae et cetera rex, Austriaeque et Stiriae dux necnon marchio Morauiae et cetera, memoriae commendamus tenore praesentium significantes quibus expedit universis, quod nos tum ad humillimae et devotae suplicationibus instantiam fidelis nostri nobilis et egregii Johannis Zaz iudicis regii sedis Zazsebes, protonotarii cancellariae nostrae maiestatis per eum nostrae maiestati propterea tum etiam pro commodo et utilitate regni et regnicolarum nostrorum ad civitatem nostram similiter Zazsebes alias Mwellwmbach vocatam nundinas liberas seu fora annualia singulis festivitatibus beati Thomae martiris ac diebus dominicis in quibus cantatur Reminiscere, item forum hebdomadale similiter liberum cunctis diebus sabbathi omni hebdomada sub hiisdem iuribus et libertatum praerogativis quibus nundinae liberae seu fora annualia aliarum liberarum civitatum nostrarum celebrantur celebrandum duximus gratiose annuendum et concedendum imo annuimus et concedimus praesentium per vigorem absque tamen praeiudicio fororum annualium et hebdomalium liberorum aliorum. Quocirca vos universos et singulos mercatores, institores, viatores et alios cuiusvis status et conditionis homines tam intraneos quam forenses praesentium serie affidamus, assecuramus et securos reddimus, quatenus cum vestris mercantiis ac rebus vestris venalibus et aliis quibuscumque veniatis et accedatis ad praedictas nundinas ac fora annualia seu hebdomadalia per nos ut praemittitur in praedicta civitate nostra in festivitatibus et diebus praedictis celebrari concessas¹⁾ et commissa libere et secure peractisque vestris negotiationibus nundinis et foris annualibus in praescriptis redeatis ad propria et alia quae malueritis loca salvis vestris rebus et [S. 562] personis sub nostra protectione et tutela speciali. Et haec volumus per fora et alia loca publica ubi necesse fuerit ubique palam facere proclamari. Datum Budae in festo beati Valentini martiris, anno domini millesimo quadringentesimo quinquagesimo septimo, regnorum autem nostrorum anno Hungariae et cetera decimo septimo, Bohemiae vero quarto.

Unten rechts: Lecta.


1) Schluss -s nachgetragen.^{^}