Urkunde Nr. 3065 aus Band V

Seite im UB:

562-563

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25), Nr. 177.

Druckvorlage:

nach Original

Abdruck als:

Volltext

Sprache:

Latein

---

3065

Weissenburg 1457 Februar 16 Der öffentliche Notar Urban Petri von Steinau bezeugt, dass die Vertreter der Stadt Hermannstadt vor dem Weissenburger Generalvikar Matthäus, Pfarrer von Urwegen, der in ihrem Streit mit dem Hermannstädter Pfarrer Antonius den ersten Schiedsspruch gefällt hatte, die Weiterklage angemeldet haben.

In nomine domini amen¹⁾. Anno nativitatis eiusdem millesimo quadringentesimo quinquagesimo septimo, indictione quinta, die vero Mercurii, decima sexta mensis Februarii, hora tertiarum vel quasi, pontificatus sanctissimi in Christo patris et domini nostri domini Kalisti divina providentia papae tertii anno eius secundo, in mei notarii publici testiumque subscriptorum praesentia in stuba habitationis egregii viri domini Mathei decretorum doctoris, custodis, canonici et vicarii ecclesiae Transsiluanae in spiritualibus generali et plebani de Zasorbo, in civitate Albae Yulae, ubi praedictus dominus Mathaeus custos, canonicus et vicarius et cetera infirmabatur, personaliter constituti circumspecti viri Ladislaus Henlini, iudex sedis Cybiniensis literatus, Johannes Koerpener, iuratus consilii²⁾ et Mathias Pilliator oppidi Cibiniensis, Strigoniensis iurisdictionis, inhabitatores, procuratores et nuncii speciales et generales providorum virorum Oswaldi magistri civium, iudicis, iuratorum consulum ac totius communitatis Cybiniensis et ipsorum nominibus et personis nomine procuratorio habentes prae manibus quoddam appellationis instrumentum per me infrascriptum publicum notarium scriptum, redactum et confectum mihique infrascripto publico notario tradentes et coram praefato domino Matheo doctore, custode, canonico et vicario et cetera eandem appellationem publice per me publicum notarium legi facientes, quae per me notarium publicum etiam egregio viro domino Anthonio decretorum doctori, plebano Cybiniensi praesente sit lecta, audita et intellecta annotati procuratores nomine quo supra procuratorio de et super insinuatione ipsius appellationis protestantes, praelibatus vero dominus Matheus doctor et cetera inter ceteras suorum verborum varietates, factum ipsius insinuationis procuratoribus praefatis his verbis respondendo conclusit dicens, si non vultis aliter ecce do vobis regiam viam. Auditis itaque praefatis procuratoribus huiusmodi verbis relatoriis ipsius domini Mathaei doctoris et cetera sibi grates de apostoli sibi datis licentia habita referebant recedentes. Super quibus omnibus et singulis praenominati procuratores nomine quo supra procuratorio unum vel plura intrumentum seu instrumenta a me notario publico petiverunt. Quibus praesens instrumentum tradidi et assignavi. Data et acta sunt haec anno, indictione, die, mense, hora, loco et pontificatu quibus supra, praesentibus ibidem venerabilibus viris dominis Ladizlao archi-[S. 563] diacono de Zathmar, Emerico decano et Blasio praefatae ecclesiae Transsiluanae canonicis, testibus ad praemissa rogatis et requisitis. Eadem³⁾ vero³⁾ die³⁾ et hora quibus supra annotati procuratores procuratorio nomine quo supra eandem appellationem sub instrumenta contentam in valvis ecclesiae Transsiluanae, videlicet sancti Michaelis archangeli versus plagam septemtrionalem me publico notario subscripto et testibus infrascriptis praesentibus scilicet sub officio summae missae diversis intrantibus, exeuntibus, videntibus et legentibus affigi fecerunt. Ipsa itaque appellatione sic ut praefertur affixa, accedens egregius vir dominus Anthonius doctor et plebanus Cybiniensis copiam ipsius appellationis sibi dare petebat, quae per manus notarii capituli ecclesiae Transsiluanae saepedictae sibi data est et assignata. Praesentibus ibidem honorabilibus viris magistro Stephano de Gordwa, Zagrabiensis diocesis, alias civitatis Albensi rectore scolae eiusdem ecclesiae, canonico Gregorio de Crasna capellano chori, Stephano de Ponshyda capellano domini praedictoris archidiaconi de Doboka, magistro Thoma de Cybinio, pronunc scolae Albensis rectore, et pluribus fidedignis personis testibus ad praemissa vocatis et rogatis.

Notarzeichen: Et ego Urbanus Petri de Stynawia, clericus Wratislaviensis diocesis, publicus papali ac imperiali auctoritatibus notarius, qui a praetactae appellationi, insinuationi, relationi supratactis dacionis ad valvas ecclesiae Transsiluanae ut supra affictioni copia petitioni et dacioni aliisque omnibus et singulis praemissis dum sic ut praemittitur fierent et agerentur, una cum praetactis testibus praesens fui, eaque sic fieri vidi et audivi. Ideo praesens publicum instrumentum duplicis actionis mea propria manu scriptum exinde confeci et publicavi et in hanc formam publicam redegi signo et nomine meis solitis et consuetis roborando consignavi rogatus et requisitus in fidem et testimonium omnium praemissorum.

Auf der Rückseite unten von gleichzeitiger Hand: insinuatio appellationis.


1) Bis hierher in verlängerter Schrift.^{^}
2) So Vorlage.^{^}
3) In verlängerter Schrift. [3x]^{^}