Urkunde Nr. 3080 aus Band V

Seite im UB:

572-573

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25), Nr. 181.

Druckvorlage:

nach Original

Abdruck als:

Volltext

Sprache:

Latein

---

3080

1457 Juli 9 Das Weissenburger Kapitel bezeugt, dass Peter Rauasy seine vier Kurien in Rosch für 24 Goldgulden an Peter von Rothberg und Georg Thabias von Hetzeldorf verkauft hat.

Capitulum ecclesiae Transsiluanae omnibus Christi fidelibus tam praesentibus quam futuris praesens scriptum inspecturis salutem in omnium salvatore. Ad [S. 573] universorum notitiam harum serie volumus pervenire, quod nobilis Petrus Rauasy dictus de oppido Thorda filius quondam Salomonis Gereb de Rawas nostram personaliter veniens in praesentiam dixit, retulit et spontanea voluntate confessus est in hunc modum. Quomodo ipse pro quibusdam suis necessitatibus ad praesens ipsum summe urgentibus evitandis quasdam quatuor sessiones iobagionales seu fundi curiarum nunc aedificiis carentem in praedio Rawas vocato in comitatu Albensi existente habitas ipsum ut dixit iure hereditario concernentem cum cunctis suis utilitatibus terris scilicet arabilibus cultis et incultis, agris, pratis, pascuis, silvis, nemoribus, vineis, vinearumque promontoriis, aquis, fluviis, piscinis, piscaturiis et aquarum decursibus, molendinis quoque et locis molendinorum et generaliter quarumlibet utilitatum et pertinentiarum integritatibus quovis nominis vocabulo vocitatis ad easdem rite spectantibus et pertinere debentibus sub suis veris metis et antiquis limitibus nobilibus viris Petro filio quondam Laurentii de Weresmarth et Georgio Thabias de Eczel filio quondam Valentini de Almas fratribus scilicet suis condivisionalibus ipsorumque hereditatibus et posteritatibus universis pro viginti quatuor florenis auri puri Hungaricalibus plene et integraliter nostri in praesentia persolutis et ab eisdem rehabitis dedisset, vendidisset, donasset et perpetuasset immo dedit, vendidit, donavit, perpetuavit ac appropriavit perpetuo iure et irrevocabiliter tenendas, possidendas pariter et habendas coram nobis. In cuius rei testimonium firmitatemque perpetuam praesentes literas nostras privilegiales pendentis sigilii nostri munimine roboratas eisdem superinde duximus concedendas. Datum sabbato proximo ante festum beatae Margarethae virginis et martiris, anno domini millesimo quadringentesimo quinquagesimo septimo. Reverendo in Christo patre domino Alberto de Wethes electo ecclesiae Nytriensis apostolicae sedis protonotario, praeposito nostro absente, honorabilibusque et discretis viris dominis Antonio decretorum doctore cantore, Matheo similiter decretorum doctore custode, Thoma de Bodok decano, ceterisque canonicis dictae ecclesiae nostrae salubriter existente et devote.

Auf der Rückseite von gleichzeitiger Hand: Super IIII sessionibus Rawasch.