Urkunde Nr. 3084 aus Band V

Seite im UB:

575

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Druckvorlage:

nach Original

Abdruck als:

Volltext

Sprache:

Latein

---

3084

Wien 1457 August 25 König Ladislaus verbietet Ladislaus und Sigmund, den Söhnen des Dezsö von Losoncz, von den Klausenburgern auf ihren Besitzungen und besonders auf dem Weg nach Thorenburg Zölle einzuheben.

Von der Kanzlei: Commissio propria domini regis.

Ladislaus dei gratia Hungariae, Bohemiae, Dalmaciae, Croaciae et cetera rex Austriaeque et Stiriae dux necnon marchio Morauiae et cetera fidelibus nostris egregiis Ladislao et Sigismundo filiis Desew de Losoncz salutem et gratiam. Querelam fidelium nostrorum certorum civium civitatis nostrae Koloswar in persona universorum civium, populorum et incolarum in eadem commorantium nobis allatam percepimus displicenter, quomodo vos antiquis libertatibus eorum ipsis per divos reges Hungariae felicis reminiscentiae nostros scilicet praedecessores gratiose datis et concessis non curatis ab ipsis contra huiusmodi libertatis ipsorum in vestris tenutis et possessionibus praesertim in theolonio civitatis nostrae Thordensis tributa exigere niteremini in praeiudicium libertatis eorundem. Cum tamen nos eosdem in omnibus hiisdem libertatibus et consuetudinibus, quibus hactenus usi sunt, indemniter conservare volumus. Fidelitati igitur vestrae harum serie firmiter committimus et mandamus sic omnino habere volentes, quatenus visis praesentibus a modo in posterum praefatos cives de ipsos Koloswar aut aliquem ex ipsis dum et quando ad vestras tenutas et possessiones signanter ad praefatam civitatem nostram Thordensem pervenire contingant eosdem absque aliquali solutione et exactione tributi vel alterius cuiuscumque solutionis genere libere et pacifice ire, transire et redire permittatis per vestrosque permitti faciatis gratiae nostrae sub obtentu. Nam si secus factum fuerit, quod non credimus, et ipsi nostrae amplius superinde coguntur querulari maiestati providebimus de tali remedio, quod mandata nostra vobis curae videantur. Aliud ergo non facturi. Praesentibus perlectis exhibenti restitutis. Datum Wiennae feria quinta proxima post festum beati Bartholomei apostoli, anno domini millesimo quadringentesimo quinquagesimo septimo, regnorum autem nostrorum anno Hungariae et cetera decimo octavo, Bohemiae vero quarto.

Unten links von der Kanzlei: Lecta. [S. 576]