Urkunde Nr. 3089 aus Band V

Seite im UB:

578

Heute in:

Kronstadt, Archiv der Honterusgemeinde

Heutige Signatur:

I E (Burzenländer Kapitel, Urkunden), Nr. 144 (Liber promptuarii capituli Braschowiensis), fol. 194 recto.

Druckvorlage:

nach Abschrift

Abdruck als:

Volltext

Sprache:

Latein

---

3089

Honigberg 1457 November 13 Peter, Pfarrer von Weidenbach und Dekan des Burzenländer Kapitels, bestätigt den zum Pfarrer von Honigberg gewählten Caspar Berwart in seinem Amt.

Petrus Braschowiensis decanus necnon plebanus in Wydenbach universis Christi fidelibus praesentium notitiam habituris salutem in omnium salvatore. Sancta mater ecclesia per decorem mistici corporis ordinata suo sponso coelesti per membra¹⁾ apta et diversa in eodem corpore existentia famulatur²⁾ et sic ex vivis lapidibus fundata et ordinata ad dexteram sponsi coelestis desiderat tamquam regina situari ut congrue de ea possit dici illud psalmi astitit regina a dextris tuis et cetera. Sed ubi ex eisdem vivis lapidibus de ornatu ipsius reginae aliquem removeri, contingat in eius locum alius suffragetur ne defectus seu deformitas eiusdem ornatus possit apparare. Proinde ad universorum notitiam praesentium serie volumus pervenire, quod ecclesia parochialis beati Nicolai in Monte mellis per obitum honorabilis viri domini Laurencii Karg plebani felicis reminiscentiae immediate loci praescripti vacante discretum virum Caspar Berwart de Wydenbach, quem honestae conversationis fama commendat. Universi ac singuli patroni de promisso Montemellis iuxta formam iuris patronatus ipsorum prout moris est concorditer et legitime electum infra tempus debitum et a iure eis concessum nobis praesentarunt et ut praesentato ipsorum manum imponeremus confirmatoriam nobis cum instantia supplicarunt. Nos quia de ipsius discreti viri Caspar Berwart morum honestate constabat et etiam quia invenerimus ipsum ad curam et sollicitudinem populi ac administrationem tam spiritualium quam temporalium ipsius ecclesiae aptum ad praesentationem seniorum et communitatis plebisanorum de saepedicto Montemellis ut praemittitur iurepatronatus nobis eorundem factam recepto ab eodem de observanda obedientia iuramento corporali ad praefatam ecclesiam beati Nicolai confessoris auctoritate ordinaria capituli nostri qua fungimur in hac parte in rectorem et plebanum legitimum in nomine domini duximus confirmandum administrationem spiritualem et temporalem eidem committendam devote exercendam ac salubriter gubernandam. In cuius confirmationis nostrae testimonium et roboris firmitatem praesentes eidem concessimus literas pendentis sigilii nostri capituli munimine roboratas. Acta sunt haec in ecclesia beati Nicolai confessoris villae praenotatae. Praesentibus ibidem universis ac singulis dominis et confratribus nostris ibidem fraternaliter congregatis primo ydus Nouembris sub anno domini millesimo quadringentesimo quinquagesimo septimo.


1) Vorlage: menbra.^{^}
2) Hierauf noch einmal getilgt.^{^}