Urkunde Nr. 3104 aus Band VI
- Seite im UB:
- 4-5
- Heute in:
- Kronstadt, Staatsarchiv [Direcţia Judeţeană Braşov a Arhivele Naţionale ale Romȃniei]
- Heutige Signatur:
- Fond 1: Stadt Kronstadt [Primaria Municipiului Braşov], Sammlung Fronius I, Nr. 25.
- Druckvorlage:
- nach Original
- Abdruck als:
- Volltext
- Sprache:
- Latein
3104
Ofen 1458 Februar 7 Der Gubernator Michael Szilágyi trägt Richter und Rat von Kronstadt auf, die vorjährige Steuer an Nikolaus Pogan oder Christophorus Italicus auszufolgen. Orig. Pap. Arh. St. Braşov, Fronius I, 25. Siegel, rund, Dm. 31 mm, war in rotes Wachs vorne aufgedrückt.
Michael Zylagi de Horogzeg nomine et in persona serenissimi principis et domini domini Mathiae dei gratia Hungariae, Dalmaciae, Croaciae et cetera regis gubernator prudentibus et circumspectis viris iudici, iuratis senioribus ac toto consulatui civitatis regalis Brassoviensis, fidelibus nobis sincere gratis, salutem cum dilectione. Quia nos nobiles viros Nicolaum Pagan dictum de Thorda ac Cristophorum Italicum de Florencia ad maxima negotia domini regis perficienda in ipsis partibus Transsilvanis deputavimus, quare auctoritate regia vestris fidelitatibus firmiter praecipientes committimus et mandamus, quatenus mox habita praesentium notitia censum argenteum de vestri medio anno proxime elapso regiae maiestati provenire debentem et adhuc apud manus vestras habitum ad manus praedictorum Nicolai Pagan aut ipsorum hominum praesentium scilicet ostensorum ad facta dicti domini regis perficienda assignare teneamini effective. Alioquin si quod dampnum per vestram negligentiam et retardationem in factis camerarum et praesertim salium evenire contingerit [S. 5] irremisibiliter per vos extorquere volumus. Secus igitur in praemissis facere non ausuri; praesentes vero facta assignatione et restitutione praemissi census argentei pro vestri expeditione erga vos reservetis. Datum Budae feria tertia proxima post festum beatae Dorotheae virginis, anno domini millesimo quadringentesimo quinquagesimo octavo.
Auf der Rückseite von gleicher Hand: Brasso.
Von anderer gleichzeitiger Hand: M et VI
c XLV Brasso (?). Super solutione census regalis.