Urkunde Nr. 3105 aus Band VI

Seite im UB:

5

Heute in:

Klausenburg, Bibliothek der Akademie [Biblioteca Academiei Române, Filiala Cluj-Napoca]

Heutige Signatur:

Sammlung Aranka [Colecţia personală Aranka Gyorgy] (Inventar 1153)

Druckvorlage:

nach Einschaltung (Insert)

Abdruck als:

Volltext

Sprache:

Latein

---

3105

Ofen 1458 Februar 9 Der Gubernator Michael Szilágyi vergibt das Gräfenamt von Reps, das Jakob von Rothberg wegen Untreue abgenommen wurde, an Georg, den Sohn des Dionys von Langenthal.

Nos Michael Zilagy de Horogzeg nomine et in persona serenissimi principis domini Mathiae dei gratia Hungariae, Dalmaciae, Croaciae et cetera electi regis eiusdem regni gubernator tenore praesentium significamus quibus incum-bit universis, quod nos consideratis fidelitatibus et fidelium servitiorum gratuitis meritis ac meritoriis virtutibus dilecti nostri Georgii filii Dionysii de Hozzuazo, quibus ipse a multis retrolapsis temporibus primum quidem domino Johanni gubernatori ac tandem quondam Ladislao maiori et praefato domino Mathiae regi electo summi filio praefati domini Joannis gubernatoris et ex post nobis sub diversis locis et temporibus opportunis [ ]¹⁾ studuit complacere respectu quorum volentis ipsius aliquantis per praemissis dono prosequi favoroso, ut et alii ab eo exemplati ad similia servitiorum genera exhibenda eo magis inniteretur honore officiolatum gereb dictum in Keohalom et suis pertinentiis habitum, quem alias praecedenter Jacobus de Veresmarth hactenus tenuisse ac possedisse dinoscitur, perpetuo habendo excessus et notam infidelitatis, quam ipse contra dominum nostrum regem et etiam nos in proxime praeteritis disturbiorum temporibus incurrisse perhibetur eidem Georgio, filio Dionisii de Hozzuazo in perpetuo duximus conferendum, immo conferimus praesentium per vigorem. Quocirca vobis universis et singulis iobbagionibus in et sub dicto honore et officiolatu gereb dicto in Keohalom aliisque villis et possessionibus ad eandem Keohalom pertinentibus et commorantibus, praesentibus ac futuris praesentium notitiam habituris in persona praefati domini nostri regis ex dignitate nostra, qua fungimur, firmiter praecipiendo mandamus et committimus a modo deinceps ac futuris semper temporibus praefatum Georgium, filium Dionisii de Hozzuazo, tamque verum et legitimum nostrum officiolatum gereb dictum in eundem modum benigne et favorabiliter acceptare eidemque in omnibus licitis et consuetis more alias consueto obedire et obtemperare, de universisque proventibus et reditibus ad huiusmodi officiolatum gereb nuncupatum provenite debent respondere et per hos, quorum interest vel intererit, corresponderi facere modis omnibus debeatis contradictione praefati Jacobi de Veresmarth, alias officialis vestri, nostri infidelis non obstante. Et aliud in praemissis non facturi, praesentibus perlectis exhibenti restitutis. Datum Budae feria quinta proxima post festum beatae Dorotheae virginis et martiris, anno domini millesimo quadringentesimo quinquagesimo octavo.


1) Lücke in der Vorlage.^{^}