Urkunde Nr. 3106 aus Band VI

Seite im UB:

6

Heute in:

Kronstadt, Staatsarchiv [Direcţia Judeţeană Braşov a Arhivele Naţionale ale Romȃniei]

Heutige Signatur:

Fond 1: Stadt Kronstadt [Primaria Municipiului Braşov], Abt. I. ba (Stenner, Series latina), Nr. 12.

Druckvorlage:

nach Original

Abdruck als:

Volltext

Sprache:

Latein

---

3106

Klausenburg 1458 Februar 19. Die königlichen Kammergrafen Nikolaus Pogan und Christophorus ersuchen Richter und Rai von Kronstadt, ihnen den Martinszins auszuzahlen.

Prudentes viri amici et fautores sincere dilecti. Ecce mittimus vestris providentiis literas domini gubernatoris, in quibus committit et mandat in persona regia ut censum sancti Martini de vestri medio regiae maiestati provenire debentem propter certa ac ardua facta camerae¹⁾ expedienda manibus nostris aut hominibus nostris proinde missis dare et assignare debeatis. Idcirco requirimus vestras providentias, quatenus quanto citius ac celerius poteritis ipsum censum in argentho fino et puro vestro tamen sub sigillo nobis effective assignetis, ne per vestram dilationem ac retardationem camerae¹⁾ aliquid dampni videatur resultare, pro quo vestrae providentiae tandem haberent respondere. Datum ex Coluswar dominico die Invocavit, anno domini Mo et cetera Lmo octavo. Nicolaus Pogan de Torda necnon Christoforus, camerarii²⁾ regalium camerarum³⁾.

Auf der Rückseite Adresse: Prudentibus et circumspectis viris iudici et iuratis civibus civitatis Braschowiensis amicis ipsorum grate dilectis ac honorandis.


1) Vorlage camare. [2x]^{^}
2) Vorlage camararii.^{^}
3) Vorlage camararum.^{^}