Urkunde Nr. 349 aus Band I

Seite im UB:

321-322

Heute in:

Klausenburg, Bibliothek der Akademie [Biblioteca Academiei Române, Filiala Cluj-Napoca]

Druckvorlage:

nach Original

Abdruck als:

Volltext

Sprache:

Latein

---

349

Temeswar 1317 März 29 ^a) König Karl stellt die Besitzungen des Bans Simon, besonders Almaschken, Durles und Schmiegen, unter seinen und der Sachsen von Mediasch Schutz.

Nos Karolus dei gratia rex Hungariae significamus quibus expedit universis praesentium per tenorem, quod cum nos Symonem banum nostris servitiis se applicantem in coetum et catervam nostrorum fidelium servitorum recollegerimus, et universas possessiones suas et specialiter Almas, Darlaz et Sumugun vocatas in nostram protectionem receperimus specialem, uni- [S. 322] versis iudicibus, comitibus et officialibus, necnon specialiter universis Saxonibus et hospitibus de Medyes et ad ipsam pertinentibus firmiter praecipientes mandamus, quatenus praedictas possessiones dicti Symonis bani Almas, Darlaz et Sumugun praefatas ac alias quaslibet ab omnibus protegatis et defendatis. Item volumus, quod quicumque liberae conditionis homines ad praedictas possessiones causa commorandi venire voluerint, libere conveniant et secure commorentur sub nostra protectione speciali, et haec volumus per fora et loca publica proclamari. Datum in Temuswar, tertia feria proxima post dominicam Ramispalmarum, anno domini M^o CCC^o XVII^o.


a) Ausstellungsort im UB als: Temesvar.^{^}