Urkunde Nr. 3119 aus Band VI

Seite im UB:

12

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25), Nr. 186.

Druckvorlage:

nach Original

Abdruck als:

Volltext

Sprache:

Latein

---

3119

Johannisdorf 1458 April 24. Der Vizegubernator Johannes Gereb von Weingartskirchen trägt den Richtern und geschworenen Ältesten der Sieben Stühle auf, die Steuer in der Höhe von 350 Mark Silbers unverzüglich abzuführen.

Johannes Gereb de Wyngarth per regiam clementiam ex voluntate domini capitalis gubernatoris in partibus Transsilvanis vicegubernatori constitutus circumspectis et honestis viris iudicibus et iuratis senioribus septem sedium Saxonicalium partium Transsilvanalium debitam reverentiam cum honore. Scribitis nobis, quod tricentas marcas argenti ponderis Belae regis in argento simul et auro pro censu e medio vestri fisco regio provenire debente levatoribus eorundem censuum persolvissetis. Recordamini, quomodo in aliis literis nostris scripseramus vobis, quod de quadringentis marcis argenti quinquaginta marcas argenti ad portionem Saxonum combustorum seu concrematorum cedentes in domino nostro confisi, licet non sine parva pertimescentia¹⁾ relaxavimus. Ita tamen, quod residuas trecentas et quinquaginta marcas omni prorsus permitentia atque absque renitentia et subterfugio procul mora persolvere et super centum marcis argenti supra praescriptas quadringentas marcas domino nostro regi vosmet ipsi respondere deberetis. Unde harum serie vobis in persona dicti domini nostri iniungentes committimus, quatenus praescriptas tricentas et quinquaginta marcas in puro argento persolvere et extradare modis omnibus debeatis et teneamini. Nam sciatis, quod secus in praemissis nullo modo facere praesumpmimus, hactenus etiam²⁾ diu distulistis et propterea consulendo rogantes rogamus vos, ut praemissa absque ultronea prorogatione et dissimulatione perficere debeatis. Datum in Zenthywan feria secunda ante festum beatorum Philipi et Jacobi apostolorum, anno domini millesimo quadringentesimo quinquagesimo³⁾ octavo.


1) Vorlage pertimecenscia.^{^}
2) Über der Zeile.^{^}
3) Hierauf set durchgestrichen.^{^}