Urkunde Nr. 4763 aus Band VIII

Heute in:

Kronstadt, Staatsarchiv [Direcţia Judeţeană Braşov a Arhivele Naţionale ale Romȃniei]

Heutige Signatur:

Fond 1: Stadt Kronstadt [Primaria Municipiului Braşov], Sammlung Fronius I, Nr. 64.

Druckvorlage:

nach Original

Abdruck als:

Volltext

Sprache:

Latein

---

4763

Wien 1488 Januar 7 König Matthias dankt Richter und Rat von Kronstadt für Nachrichten über Tataren und Türken, ersucht um weitere Nachrichten und verspricht, sie gegen feindliche Einfälle zu schützen.

Von der Kanzlei: Commissio propria domini regis.

Mathias dei gratia Hungariae, Bohemiae et cetera rex, duxque Austriae. Prudentes et circumspecti fideles nobis dilecti. Nova illa, quae nobis tam ex parte Thartarorum quam etiam Thurcorum scribitis probe saneque intelleximus et diligentiam vestram, quam in significatione earum rerum fecistis, plurimum commendamus, unde et rogamus, ut in posterumque quidquid¹⁾ tale audire et intelligere ex parte illorum poteritis, significare accuratissime debeatia. Teneatis vero exploratores fidelissimos, tam versus Thartaros quam Thurcos, et quidquid¹⁾ de praesenti ipsorum motu intelligere poteritis, nobis dies et noctes²⁾ rescribere studeatis. Quitquid¹⁾ autem ad huiusmodi exploratores et nuntios vestros erogabitis, vobis etiam cum fenore refundemus. Hoc autem sciatis, quod propediem magnificum Stephanum de Bathor et cetera pro vestra defensione remittemus. Scripsimus etiam ad vicewayuodam quod si interea aut Thartari, aut Thurci ad partes illas declinare incipient, et per vos requisitus fuerit, continuo in auxilium vestrum proficiscatur. Nobis tamen non videtur verisimile²⁾, quod Tharthari aut etiam Thurci impraesentiarum aliquid contra nos et dominia nostra attentarent. Nihilominus vos exactam diligentiam in resciendis conatibus illorum faciatis, et si omnino necessarium erit, providebimus, quod vos et partes illae ab illorum incursionibus salvi remanebitis. Curetis tantummodo diligenter rescire, quid Tharthari ipsi, aut etiam Thurci facere, et quo declinare intendunt, et nos postea dies et noctes²⁾ avizetis quod a vobis nomine gratissimi obsequii capiemus et ad perpetuam integerrimamque fidelitatem ascribemus. Datum in arce nostra Viennens feria secunda proxima post festum Epiphaniarum domini, anno eiusdem et cetera LXXX^mo octavo.

Auf der Rückseite Adresse: Prudentibus et circumspectis iudici iuratisque civibus civitatis nostrae Brassouiensis, fidelibus nobis dilectis.


1) Vorlage: quitquid. [3x]^{^}
2) So Vorlage. [3x]^{^}