Urkunde Nr. 4765 aus Band VIII

Heute in:

Kronstadt, Staatsarchiv [Direcţia Judeţeană Braşov a Arhivele Naţionale ale Romȃniei]

Heutige Signatur:

Fond 1: Stadt Kronstadt [Primaria Municipiului Braşov], Sammlung Schnell III, Nr. 44.

Druckvorlage:

nach Original

Abdruck als:

Volltext

Sprache:

Latein

---

4765

Hermannstadt 1488 Januar 24 Der Hermannstädter Rat ersucht Richter und Rat von Kronstadt, ihren Ratsherrn Petrus Beer zu den Verhandlungen zwecks Pachtung der Zwanzigsteinkünfte an den königlichen Hof mitzuschicken.

Prudentes circumspecti viri, domini et amici honorandi. Post paratam honoris et benivolentiae exhibitionem adveniente huc hodie hora meridiei vel prope circumspecto Bartholomeo Schunckenpungk, coniurato vestro et per eundem et¹⁾ per¹⁾nos revisi literis regalibus et calculatis negotiis nostris per quem seu quos acticata sint in impetratione vigesimae, praesertim de anno domini 1485, reperimus circumspectos²⁾ Petrum Ber et olim Johannem Baccalarium fuisse nuntios pro huiusmodi impetratione, ex qua maior quam de aliis annis incumbit difficultas, licet praedictus Petrus Ber nedum eadem vice sed pluribus aliis vicibus cum magistro civium et aliis nuntiis ad hoc deputatis in praedictis nuntiis in curia regia visus sit et cognitus³⁾. Ideo nobis et nuntiis nostris hac vice electis valde consultum videretur et rationabile, ut praedictum dominum Petrum Ber ad praesentem resam seu expeditionem exequendam pro honore et utilitate ambarum civitatum praetermittere non velitis. Quoniam ex eius absentia contra nos maior suspicio doli excogitari posset et forte contingere, ut de Buda eundem vocare et nuntios nostros eiusdem adventum ibidem exspectare opporteret, ut ipse solus qui huiusmodi facta tractavit, facie ad faciem responderet, quoniam alia ruminantur praeoissa, quam literis regalibus sunt contenta, ad quae nullus ita audaciter atque evidenter respondere audebit, sicut is, qui ista palam tractavit. Quare rogamus vestras ami[citias]⁴⁾ et dominationes, ut consilium nostrum apud⁵⁾ vos non sit spretum, quin in ea parte optatum nostrum pro bono vestro et nostro adimplere velitis. Et si utique aliter fieri non posset, ut maioribus non involveremur impensis saltim ad nostras expensas eundem transmittere. In hiis rogamus si maiora incommoda nostra evitare cupitis aliter procedere non velitis. Datum Cibinii feria sexta de sero in profesto conversio Pauli, Anno 1488.

Magister civium, iudices et iurati consules civitatis Cibiniensis.

Relationem perlatorem praesentium a vestris dominâtionibus exspectamus⁶⁾, ubi et quo die adventum praedicti domini Petri Ber nuntii nostri simulcum vestris exspectare habebunt.

Auf der Rückseite Adresse: prudentibus et circumspectis viris iudici iuratisque civibus civitatis Braschouiensis, dominis et amicis nobis honorandis.


1) Über der Zeile. [2x]^{^}
2) Vorlage circumspectes.^{^}
3) Vorlage congnitus.^{^}
4) Lücke 12 mm.^{^}
5) Vorlage; aput.^{^}
6) Vorlage expect...^{^}