Urkunde Nr. 4773 aus Band VIII

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25 ), Nr. 459.

Druckvorlage:

nach Original

Abdruck als:

Volltext

Sprache:

Latein

---

4773

Wien 1488 März 28 König Matthias verbietet den Gerichtsinhabern und Steuereinhebern Siebenbürgens, von den Bewohnern des halben Racovita, das den Sieben Stühlen erneut zugesprochen wurde, Steuern einzuheben.

Von der Kanzlei: Commissio propria domini regis.

Mathias dei gratia Hungariae, Bohemiae et cetera rex duxque Austriae¹⁾ fidelibus nostris comitibus vel vicecomitibus et iudicibus nobilium praeterea dicatoribus et executoribus taxarum seu contributionum nostrarum quarumcumque in partibus regni nostri Transsilvanensibus pro tempore constitutis praesentium notitiam habituris salutem et gratiam. Quoniam fideles nostri prudentes et circumspecti magistri civium ac iudices et iurati consules civitatis nostrae Cibiniensis ac septem sedium Saxonicalium anno superiore in curia nostra regia coram scilicet personali nostra praesentia quandam medietatem possessionis Rwken vocatae ad easdem septem sedes ab antiquo pertinentis et iam dudum per nobiles de Thobia minus iuste occupatam et hactenus violenter detentam ab eisdem nobilibus iuridice reobtinuisse dicuntur. Cum igitur univerae pertinentiae dictarum sedium in censuum nostrorum solutione semper ipsos Saxones nostros adiuvare et nunquam instar iobagionum nobilium seu aliorum possessionatorum hominum illarum partium taxam seu contributionem nostram solvere consueverunt, volumus idcirco et fidelitati vestrae harum serie firmissime committimus et mandamus, aliud nullo modo habere volentes, quatenus a modo deinceps huiusmodi medietatem praefatae possessionis instar bonorum et possessionum aliorum nobilium dicare seu connumerare dicarique seu conumerari facere nullo unquam tempore praesumatis sed eandem instar aliarum pertinentiarum praedictarum septem sedium Saxonicalium supportatam dimittere et demiiti facere modis omnibus debeatis et teneamini et aliud facere nullatenus audeatis gratiae nostrae sub obtentu. Praesentibus perlectis exhibenti restitutis. Datum in arce nostra Viennensi feria sexta proxima ante dominicam Palmarum, anno domini millesimo quadringentesimo octogesimo octavo regnorum nostrorum anno Hungariae et cetera tricesimo, Bohemiae vero decimo nono.

Mathias rex manu propria.


1) Bis hier in verlängerter Schrift.^{^}