Urkunde Nr. 4776 aus Band VIII

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. III (Inventar 27), Nr. 204.

Druckvorlage:

nach Original

Abdruck als:

Volltext

Sprache:

Latein

---

4776

Frauenbach (Baia Mare) 1488 April 9 Der Königsrichter Laurencius Han berichtet dem Rat von Hermannstadt, dass er beauftragt worden sei, Angelegenheiten des Marktes Frauenbach beim König mitzuvertreten, und gibt sein Einverständnis für die Wahl eines Stellvertreters.

Salutem plurimam dico.¹⁾ Literas prudentiarum vestrarum ad me datas quinto Idus mensis Aprilis gaudens suscepi easdemque per plane intellexi. Quibuscum omnem humanitatem atque singularem benevolentiam prudentiarum vestrarum erga me fore conspicio. Cum denique adventum meum prudentiae vestram anhelare agnosco maximo affectus sum gaudio. Huiusmodi tamen benevolentiae me immemor fore arguar, grates prudentiis vestris condignas mihi quoque possibiles perpetuis habebo temporibus. Petitionibus etiam amplitudinis prudentiarum vestrarum libens acquievissem, cum arduo non fuissem praesentiis negotio. Ex oppido namque nostro viri electi sunt aliquot, e numero quorum unum me instantissime surrogatum esse doleo. Cum ob certa negotia nostrae policiae incumbentia regiam maiestatem adire ordinati sunt, ibidem magistrum civium (deo favente) me visurum et allocoturum firmiter spero. Cum insuper incolummen ac sospitate fausta reduxerit me deus literae prudentiarum vestrarum meam fricare memoriam minime cessabunt, si opera mea quam accuratissima petitioni prudentiarum vestrarum satisfacere curabo. Si interea Laurentius Sartor cum hodie iudicatus gerit officium, prudentiis vestris (ut fertur) molestus esset, nomine meo (iuribus tamen meis salvis) vir ad hoc officium idoneus per prudentias vestras eligatur. Eundem enim Laurencium praeter consensum et consilia prudentiarum vestrarum non elegi, nec quempiam eligere et assumere praetendo, qui nauseam prudentiis vestris ingerere possit. Consultum tamen visum mihi foret, ut huiusmodi innovatio usque in adventum meumn suspensa relinqueretur, ut congrua et bono ordine singula dirigere nos contigeret. Hactenus data in Rivolodominarum annorum minorum octogésimo octavo, quinto Idus Aprilis.

Clarissimis prudentiis nostris²⁾ Laurencius Han, regius iudex civitatis Cibiniensis.

Auf der Rückseite Adresse: Prudentibus ac circumspectis dominis prothoconsuli, iudicibus et consulibus iuratis civitatis Cibiniensis, dominus fautoribus et amicis sibi plurimum honorandis.


1) Abgekürzt S. p. d.^{^}
2) Abgekürzt C. p. m.^{^}