Urkunde Nr. 352 aus Band I

Seite im UB:

324-330 ^a)

Heute in:

Vatikanstadt, Vatikanisches Archiv [Archivum Secretum Apostolicum Vaticanum, Archivio Segreto Vaticano]

Heutige Signatur:

Cam. Ap. Collect. (Camera Apostolica, Collectoriae) Nr. 183 (Rationes collectoriae in Hungaria), fol. 14-18.

Druckvorlage:

nach anderem Urkundenbuch mit Quellennachweis

Abdruck als:

Volltext

Sprache:

Latein

---

352

1317 Oktober 22 bis 1320 März 12^b) Auszüge aus dem Register des päpstlichen Steuersammlers Rufinus de Civinio.

In nomine domini amen. Notum sit omnibus, quod ego Rufinus de Civinio olim archidiaconus Tollensis in ecclesia Quinqueecclesiensi, nuncius a sanctissimo patre et domino nostro domino Johanne divina providentia papa XXII. ad partes regni Ungariae pro collectione fructuum primi anni beneficiorum vacantium in Strigoniensi et Colocensi civitatibus, diocesibus et provinciis infra triennium per ipsum dominum nostrum camerae suae reservatorum et pro recuperatione certarum pecuniae quantitatum bonae memoriae domino fratri Gentili tituli sancti Martini in Montibus presbytero cardinali, dudum in partibus illis apostolicae sedis legato, pro suis procurationibus debitarum specialiter destinatus, recedens de Avinione intravi dictum regnum Ungariae die XXII. mensis Octobris apud Zamber Zagrabiensis diocesis anno nativitatis domini MCCCXVII et dictum regnum exivi die XII. mensis Martii praesentis anni MCCCXX. Et cum in dictis civitatibus et diocesibus ac provinciis non essent beneficia taxata ad decimam, dictus dominus noster post primam commissionem . . archiepiscopis et . . episcopis ac mihi in civitatibus, diocesibus et provinciis factam super recollectione fructuum praedictorum novam commissionem fecit archiepiscopis et episcopis ac mihi praedictis, videlicet quod medietatem fructuum beneficiorum vacantium ultra VI marcas¹⁾ argenti valentium annuatim pro camera sua reciperemus et aliam beneficiatis dimitteremus pro ipsorum beneficiorum oneribus supportandis. Unde ego quam melius potui exsecutus fui mandatum domini papae praedicti, et hic inferius scripsi omnia beneficia vacantia, quorum notitiam habere potui, quae ibidem infra dictum triennium vacaverunt, et aestimationes²⁾ fructuum beneficiorum ipsorum ac persolutiones per me receptas de fructibus supra dictis. Imprimis sciendum est, quod . . archiepiscopus Strigoniensis habet VI suffraganeos, videlicet [S. 325] Jauriensem, Vesprimiensem, Quinqueecclesiensem, Agriensem, Quaciensem et Nitriensem episcopos suffraganeos archiepiscopi Strigoniensis. Item . . archiepiscopus Colocensis habet VI alios suffraganeos tantum, videlicet Transilvaniensem, Veradiensem, Cenadiensem, Zagrabiensem, Boxniensem episcopos suffraganeos archiepiscopi Colocensis. ^c)
Aestimatio^d): Item vacavit semel plebes de Cibinio dictae diocesis, cuius fructus ascendebant in universo ad summam XXXVI marcarum fini argenti ad dictum pondus Budense, de quibus pro domino nostro elegi medietatem, videlicet XVIII marcas, quarum quaelibet valet IIII florenos auri. Quam quidem plebem archiepiscopus Strigoniensis et ego accensavimus die XXVIII. Octobris anni domini MCCCXVIII. pro dictis XVIII marcis domino Hermanno plebano ecclesiae de valle sanctae Agnetis et electo in plebanum dictae plebis de Cibinio, quarum medietatem promittit solvere infra octavas resurrectionis domini¹⁾ et residuum infra festum assumptionis beatae virginis.²⁾ Postmodum vero anno domino MCCCXVIIII. die XXVI. Novembris dictus dominus Hermannus solvit mihi Rufino dictas XVIII marcas fini argenti valentes LXXII florenos auri.
Aestimatio: Item vacavit semel ecclesia de monte Civinii praepositurae Cibiniensis dictae diocesis, cuius fructus ascendebant in universo ad summam XII marcarum fini argenti, de quibus pro domino elegi medietatem videlicet VI marcas, quarum quaelibet valet IIII florenos auri. Quas VI marcas dictus Hermannus electus in plebanum de Cibinio pro domino Mathia rectore dictae ecclesiae anno nativitatis domini MCCCXVIIII. die XXVIII. Novembris solvit mihi Rufino, quae valent XXIIII florenos.
Aestimatio: Item vacavit semel ecclesia sanctae Mariae de Wert dictae praepositurae Cibiniensis eiusdem diocesis, cuius fructus ascendebant in universo ad summam VI marcarum fini argenti, de quibus pro domino elegi medietatem, videlicet III marcas, quarum quaelibet valet IIII florenos auri. Quas quidem III marcas dominus Johannes rector dictae ecclesiae anno domini MCCCXVIIII. die XXVIII. Novembris solvit mihi Rufino et sic valent XII florenos auri. Item vacavit semel ecclesia de Holzmenia³⁾ dictae praepositurae
Aestimatio: Cibiniensis praedictae diocesis, cuius fructus ascendebant in universo ad summam X marcarum bannalium illius computi, computatis CLXXVI ban- [S. 326] nalibus pro marca, de quibus pro domino nostro elegi medietatem, videlicet V marcas bannalium, quarum quaelibet valet III florenos auri. Quas quidem V marcas dominus Henricus rector dictae ecclesiae anno domini MCCCXVIIII. die XXVIII. Novembris solvit mihi Rufino et sic valent XV florenos auri.
Aestimatio: Item vacavit semel ecclesia de Bocholz dictae praepositurae Cibiniensis praefatae diocesis, cuius fructus ascendebant in universo ad summam VIII marcarum bannalium, CLXXVI bannalibus pro marca qualibet computatis, de quibus pro domino nostro elegi medietatem videlicet IIII marcas, quarum quaelibet valet III florenos auri. Quas die XXVIII. Novembris anno MCCCXVIIII. praecepi Henrico de Bohalt, patri presbyteri Herbordi rectoris dictae ecclesiae, ut solveret infra tertiam feriam ex tunc proxime futuram¹⁾ pro tota die. Postea vero eodem anno die VI. Decembris Johannes de Polonia pro dicto Herbordo solvit mihi Rufino diectas IIII marcas bannalium valentes XII florenos auri.
Per episcopum^e) : Imprimis vacavit semel archidiaconatus de Tilegd in ecclesia Transsilvana, de cuius fructibus dominus Corradus plebanus de Varasio Transsilvanae diocesis subcollector in civitate et diocesi supra dictis per . .²⁾ episcopum Transilvanum specialiter deputatus, pro medietate speetante ad cameram domini nostri exegit XX marcas fini argenti ad pondus Budense, in quibus erat aestimata dicta medietas per dictum episcopum, ut ipse episcopus et subcollector dixerunt mihi. Post quod anno nativitatis domini MCCCXVIIII. die VI. Septembris dictus subcollector pro magistro Benedicto archidiacono dicti archidiaconatus solvit mihi praedicto Ruffino dictas XX marcas, quarum quaelibet valet IIII florenos. Et sic in summa LXXX floreni auri.
Per diocesanum^f) : Item vacavit semel archidiaconatus de Ozd in eadem ecclesia Transsilvana, de cuius fructibus pro medietate spectante ad dominum nostrum idem subcollector exegit X marcas fini argenti ad dictum pondus, quarum quaelibet valet IIII florenos auri, in quibus erat aestimata dicta medietas, prout idem episcopus et subcollector dixerunt mihi. Post quod dictus subcollector pro domino Johanne archidiacono dicti archidiaconatus die VI. Septembris anni MCCCXVIIII. solvit mihi Rufino dictas X marcas, valentes in universo XL florenos auri, qualibet computata ut supra proxime.
Per diocesanum: Item vacavit plebes de Sceps sive de Mulunak dictae diocesis, de cuius fructibus dictus subcollector pro medietate spectante ad dominum nostrum exegit XX marcas fini argenti, quarum quaelibet valet IIII florenos auri, in quibus dicta medietas erat aestimata, prout idem episcopus et subcollector dixerunt mihi. Post quod anno nativitatis domini MCCCXVIIII. die VI. Septembris dictus subcollector pro domino Daniele plebano dictae plebis solvit mihi Rufino dictas XX marcas argenti, valentes in universo LXXX florenos auri, qualibet computata ut supra,
Per diocesanum: Item vacavit semel plebes de Kelnek dictae diocesis, de cuius fructibus dictus subcollector pro medietate spectante ad dominum nostrum exegit [S. 327] XX marcas fini argenti, quarum quaelibet valet IIII florenos auri, in quibus dicta medietas erat aestimata per eundem episcopum, prout ipse et dictus subcollector dixerunt mihi. Post quod anno nativitatis domini MCCCXVIIII. die VI. Septembris dictus subcollector pro domino Michaele plebano dictae plebis solvit mihi Rufino dictas XX marcas argenti, valentes in universo LXXX florenos auri, qualibet marca computata ut supra.
Per diocesanum: Item vacavit bis plebes seu ecclesia de villa Petri dictae diocesis, de cuius fructibus semel dictus subcollector pro medietate spectante ad dominum nostrum exegit XIIII marcas fini argenti ad dictum pondus, quarum quaelibet valet IIII florenos auri, in quibus dicta medietas erat aestimata per dictum episcopum, ut ipse et dictus subcollector dixerunt mihi. Post quod anno, mense et die proxime scriptis idem subcollector pro domino Jacobo plebano dictae plebis solvit mihi Rufino dictas XIIII marcas valentes in universo LVI florenos auri, qualibet computata ut supra.
Per diocesanum: Item vacavit semel plebes seu ecclesia de sub Castro Petri dictae diocesis, de cuius fructibus dictus subcollector pro medietate spectante ad dominum nostrum exegit VI marcas fini argenti ad dictum pondus, in quibus dicta medietas erat aestimata, prout idem episcopus et subcollector dixerunt mihi. Post quod anno, mense et die supra dictis idem subcollector pro domino NicoLao plebano dictae plebis solvit mihi praedicto Rufino dictas VI marcas, valentes in universo XXIIII florenos auri, qualibet computata ut supra.
Per diocesanum: Item vacavit semel plebes de Riho dictae diocesis, de cuius fructibus dictus subcollector pro medietate spectante ad dominum nostrum exegit VII marcas fini argenti ad dictum pondus, in quibus dicta medietas erat aestimata per dictum episcopum, prout ipse et dictus subcollector dixerunt. Post quod anno nativitatis domini MCCCXVIIII. die VI. Septembris dictus subcollector pro . . plebano dictae plebis solvit mihi Rufino dictas VII marcas, valentes in universo XXVIII florenos auri, qualibet computata ut supra.
Per diocesanum: Item vacavit semel plebes de Nosna dictae diocesis, de cuius fructibus dictus subcollector pro medietate spectante ad dominum nostrum exegit X marcas fini argenti, in quibus dicta medietas erat aestimata per eundem episcopum, prout ipse et dictus subcollector dixerunt mihi. Post quod anno nativitatis domini MCCCXVIIII. die VI. Septembris idem subcollector pro domino Nicoiao plebano dictae plebis solvit mihi Rufino dictas X marcas, valentes in universo XL florenos auri, qualibet computata ut supra.
Per diocesanum: Item vacavit semel plebes seu ecclesia de villa Demetrii dictae diocesis, de cuius fructibus dictus subcollector pro medietate spectante ad dominum nostrum exegit VI marcas fini argenti ad dictum pondus, in quibus dicta medietas per dictum episcopum erat aestimata, prout ipse et dictus subcollector dixerunt mihi. Post quod anno nativitatis domini MCCCXVIIII. die VI. Septembris idem subcollector pro domino Nicoiao plebano dictae plebis solvit mihi Rufino dictas VI marcas, valentes in universo XXIIII florenos auri, qualibet computata ut supra. [S. 328]
Per diocesanum: Item vacavit semel quidam Canonicatus in dicta ecclesia Transilvana, quem postea obtinuit Petrus Ruffus canonicus Transilvanus, de cuius fructibus dictus subcollector pro medietate spectante ad dominum nostrum exegit VIII marcas fini argenti ad dictum pondus, in quibus dicta medietas fuerat aestimata per dictum episcopum, ut ipse et dictus subcollector dixerunt mihi. Post quod anno nativitatis domini MCCCXVIIII. die VI. Septembris idem subcollector pro dicto domino Petro Ruffo de dicta summa VIII marcarum fini argenti solvit mihi Rufino V marcas, valentes XX florenos auri. Demum anno nativitatis domini MCCCXX. die XIII. Januarii frater Michael Budensis ordinis Praedicatorum conventus sancti Nicolai Budensis de argento penes eum per dictum subcollectorem deposito pro dicto domino Petro Ruffo solvit mihi Rufino residuas III marcas, quae restabant solvendae de dictis VIII marcis. Et sic sunt in universo VIII marcae, valentes XXXII florenos auri.
Per diocesanum: Item vacavit quidam canonicatus in ecclesia Transilvana, quem postea obtinuit Petrus Tartarus canonicus Transilvanus, de cuius fructibus pro medietate spectante ad dominum nostrum exegit VIII marcas fini argenti ad dictum pondus, in quibus per dictum episcopum fuerat eadem medietas aestimata, prout idem episcopus et subcollector dixerunt. Post quod anno nativitatis domini MCCCXX. die XIII. Januarii praedictus frater Michael de argento deposito penes eum per dictum subcollectorem pro dicto Petro Tartaro solvit mihi praedicto Rufino dictas VIII marcas, valentes in universo XXXII florenos auri.
Item vacavit quidam alius canonicatus in dicta ecclesia Transilvana, quem postea obtinuit Johannes Mauritii canonicus Transilvanus, de cuius fructibus dictus subcollector pro medietate spectante ad dominum nostrum exegit VIII marcas fini argenti ad dictum pondus, in quibus dicta medietas per dictum episcopum fuerat aestimata, prout ipse et dictus subcollector dixerunt mihi. Post quod anno nativitatis domini MCCCXX. die XIII. Januarii dictus frater Michael de argento penes eum deposito per subcollectorem praedictum pro dicto Johanne Mauritii solvit mihi Rufino dictas VIII marcas, valentes in universo XXXII florenos auri.
Item vacavit semel archidiaconatus de Cucullo dictae diocesis, cuius fructuum medietatem dictus episcopus Transilvanus aestimavit pro domino nostro XXXV marcas fini argenti ad pondus Transilvanum, de quibus dictus subcollector, ut dixit, exegit tantum XXX marcas, de quibus quidem XXX marcis idem subcollector semel solvit mihi saepe dicto Rufino III marcas argenti. Postea vero anno nativitatis domini MCCCXX. die XIII. Januarii supra dictus frater Michael nomine dicti subcollectoris solvit mihi saepe dicto Rufino XXVI marcas penes eum per dictum subcollectorem depositas. Et sic licet idem subcollector receperit XXX marcas, ipse tamen non solvit nec solvi fecit, nisi tantum XXVIIII, quae reductae ad pondus Budense valent XXIIII marcas et III uncias et tertiam partem unius unciae et duas quinquagesimas septimas partes unius unciae ad dictum pondus Budense, quarum quaelibet valet IIII florenos auri. Et sic sunt in summa ad dictum pondus Budense XXIIII marcae et III unciae et tertia pars unius unciae [S. 329]et duae quinquagesimae septimae partes unius unciae, valentes LXXXXVII florenos et XI Boeminos. Restant VI marcae solvendae.
Item circa finem triennii¹⁾ et post obitum . .²⁾ episcopi Transilvani vacaverunt in dicta diocesi infra scripta beneficia, de quorum fructibus debetur medietas domino nostro pro uno anno, de quibus quidem beneficiis et ipsorum valore inquisivi, prout potui, diligenter et id quod debetur eidem domino nostro de ipsis inferius describetur. Et quia eadem ecclesia pastore vacabat et mihi soli sine diocesano non credebatur, ipsorum fructuum medietatem exigere non potui, tamen negotium beneficiorum ipsorum recommendavi diligenter capitulo ecclesiae saepe dictae. Et haec sunt beneficia supra dicta videlicet Imprimis pro fructibus ecclesiae de Cogner dictae diocesis, qui ascendebant in universo ad valorem XII marcarum, debentur eidem domino nostro VI marcae fini argenti.
Item pro fructibus ecclesiae villae Petri, quae vacavit secundo, qui ascendebant ad summam XL marcarum, licet pro prima vacatione habitae fuerunt tantum XIIII marcae iuxta aestimationem diocesani, debentur eidem domino nostro XX marcae fini argenti.
Item pro fructibus ecclesiae de Burperg dictae diocesis, qui ascendunt annuatim ad summam XXX marcarum vel circa, debentur domino nostro XV marcae fini argenti.
Item pro fructibus ecclesiae de Egnudino dictae diocesis, qui ascendunt annuatim ad summam XX marcarum vel circa, debentur domino nostro X marcae fini argenti.
Item pro fructibus ecclesiae de Barbantina dictae diocesis, qui ascendunt annuatim ad summam XII marcarum vel circa, debentur domino nostro VI marcae argenti fini.
Item pro fructibus ecclesiae de sancto Georgio dictae diocesis, qui ascendunt ad summam annuatim XX marcarum et ultra, debentur domino nostro X marcae fini argenti et ultra.
Item pro fructibus ecclesiae de Aplodia dictae diocesis, qui ascendunt annuatim ad summam XL marcarum vel circa, debentur domino nostro XX marcae fini argenti.
Item de fructibus ecclesiae de Albkarak dictae diocesis et ipsorum valore veritatem invenire nequivi, licet super hoc inquisiverim, quia episcopus Transilvanus decesserat et mihi non obediebatur sine diocesano, audivi tamen, quod cadit sub reservatione.
Item de valore fructuum canonicatus, quem obtinet dominus Nicolaus in ecclesia Transilvana, veritatem scire non potui, tamen alter canonicatus dictae ecclesiae Transilvanae fuit aestimatus per . . episcopum Transilvanum VIII marcis fini argenti ad pondus Budense.
Summa omnium marcarum fini argenti ad pondus Budense receptarum per me Rufinum in civitate et diocesi Transilvana praedictis CXXXVII [S. 330] marcae, quarum quaelibet valet im florenos auri, quae reductae ad florenos valent in universo V^c XLVII florenos auri.
Summa omnium marcarum fini argenti ad pondus Transilvanum receptarum per me praefatum Rufinum in civitate et diocesi saepe dictis, prout superius continetur, XXIX marcae, quae valent XXIIII marcas et III uncias et tertiam partem unius unciae et duas LVII partes unius unciae ad pondus Budense, quarum quaelibet valet IIII florenos auri, quae valent in universo LXXXXVII florenos auri et XI Boeminos grossos.
Summa summarum omnium marcarum praedictarum receptarum per me praedictum Rufinum in civitate et diocesi saepe dictis, reductarum ad florenos auri, secundum quod superius continetur, VI^c XLV floreni auri et XI Boemini grossi.
Summa restorum dictarum civitatis et diocesis VI marcae fini argenti ad pondus Transilvanum, praeter supra dicta beneficia, de quibus non exstitit concordatum.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 1-2 auf S. 324, 1-3 auf S. 325, 1-2 auf S. 326, keine Fußnoten auf S- 327 und 328, 1-2 auf S. 329.^{^}
b) Nach Dinca - Kovács, Ergänzungen 144 datiert statt: 1317 bis 1320.^{^}
c) Im UB sind die Suffragane untereinander als Liste gesetzt. Am Schluß folgt (als Fragment?) De Ku. Druckbild des UB unten als »Abb. ^{^}
d) Aestimatio hier und bei den nachfolgenden Absätzen als Randvermerk.^{^}
e) Per episcopum als Randvermerk. ^{^}
f) Per diocesanum hier und bei den nachfolgenden Absätzen als Randvermerk.^{^}
[S. 324]
1) Vorlage: marchas, wie auch sonst in diesem Stück marcha geschrieben steht.^{^}
2) Vorlage: extimationes. Die Vorlage hat stets: extimatio, extimo, nicht aestimatio, aestimo.^{^}
[S. 325]
1) 1319 April 15.^{^}
2) 1319 August 15.^{^}
3) So Theiner Mon. Slav. I, 138 nach derselben Quelle. Vorlage: Helzmenia.^{^}
[S. 326]
1) Dezember 4.^{^}
2) Benedictus.^{^}
[S. 327]
1) Anfang 1320. Das Triennum ist nach Rufinus selbst, oben Seite 324 Zeile 26 am 12. März 1320 zu Ende gegangen.^{^}
2) Benedictus.^{^}

Abb.