Urkunde Nr. 3122 aus Band VI

Seite im UB:

14

Heute in:

Klosterneuburg, Bibliothek des Stiftes

Heutige Signatur:

Handschrift CCC Nr. 941, fol. 329.

Druckvorlage:

nach Abschrift

Abdruck als:

Volltext

Sprache:

Latein

---

3122

Fünfkirchen 1458 Mai 31 Sigismund, Sohn des verstorbenen Kronstädter Bürgers Nikolaus Loene, bestätigt, von Veit Huendler, dem Suffraganbischof von Widdin, 20 Goldgulden geliehen zu haben.

Ego Sigismundus filius condam Nicolai Loene dicti civis civitatis Braschoviensis per praesens publice fatendo recognosco quibus expedit universis, quod reverendus in Christo pater et dominus dominus Vitus, dei et apostolicae sedis gratia episcopus Bodoniensis necnon reverendi in Christo patris et domini domini Nicolai, episcopi ecclesiae eandem gratia Quinqueecclesiensis, suffraganeus ac vicarius in pontificalibus generalis, certis necessitatibus mihi incumbentibus et ad praesens plurimum me urgentibus viginti florenos auri puri veri ac iusti ponderis mutuae dationis tytulo mihi accomodavit, quos quidem florenos ad festum beati Michaelis archangeli proxime affuturum annotato domino suffraganeo vel homini ad id per ipsum deputando integre, indelate et effective exsolvere debeo, teneor, polliceor et promitto; harum mearum propter sigilii mei absentiam sigillis honorabilium virorum et dominorum Thomae, custodis ac canonici dictae ecclesiae Quinqueecclesiensis, et Symonis, rectoris altaris beatae virginis in ecclesia parohiali sancti Bartholomaei civitatis praetactae ad preces meas instantissimas absque tamen ipsorum praeiudicio consignatarum. Testimonio autem circumspecti viri Martini notarii civitatis Medgensis pro tunc in praesentia existentis et literarum vigore¹⁾ mediante.
Datum in Quinqueecclesiis feria 4a ante octavas corporis Christi, anno domini M^o CCCC^o LVIII^o.


1) Vorlage vigor. ^{^}