Urkunde Nr. 3134 aus Band VI

Seite im UB:

22-24

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Kirchenarchive A.B. [Colecţia de documente ale parohiilor ev. CA săseşti] Serie II (Inventar 228), Nr. 1341 - Abt. 50: K. A. Burgberg [Parohia Ev. CA Vurpăr], Nr. 13.

Druckvorlage:

nach Original

Abdruck als:

Volltext

Sprache:

Latein

---

3134

Oberbell 1458 August 15 Die siebenbürgischen Vizewoiwoden Georg und Stephan beurkunden die vom Protonotar Nikolaus neuerlich vorgenommene Grenzbegehung zwischen Burgberg und Oberbell.

Georgius filius Rycalph de Tarkew et Stephanus Kemen de Gerewmonostra, vicewaiwodae Transsilvani, omnibus Christi fidelibus tam praesentibus quam futuris praesentium notitiam habituris salutem in omnium salvatore. Quoniam ea, quae aguntur, in tempore ne simul labantur tempore cum eodem et volubilis hominum mortalium memoriae oblivionis caligine obtenebrescat¹⁾ sagax humani²⁾ generis industria salubriter adinvenit, ut literarum patrocinio roborentur. Proinde ad universorum praesentium denique sed et futurorum notitiam harum serie volumus pervenire, quod cum nos ad legitimae petitionis instantiam iudicumque iuratorumque seniorum civitatis Czibiniensis magistrum Nicolaum partium Transsilvanarum protonotharium hominem nostrum in persona nostra ad infrascriptas metarum reambulationes inter terras et territoria villae regalis Hyhalom vocatae ad sedem Czibiniensem pertinentis et possessionis Felsebolya vocatae nobilium de eadem necnon de Hydegwyz fieri debendum duxissemus destinandam, qui in vigilia solemnissimi festi assumptionis beatae Mariae virginis genitricis domini nostri Jesu Christi³⁾ ad facies¹⁾ praescriptarum terrarum et territoriorum accendendo prae-[S. 23] sentibus ibidem circumspectis et honestis viris Nicolao Seglewer, iudice terrestri et Laurencio Thuro, iurato cive dictae civitatis Czibiniensis necnon domino plebano ac villico et senioribus necnon tota communitate praescriptae villae Hyhalom ab una parte siquidem ex alia Georgio filio Thomae de Felsebolya praedicta ac Barthus Gereb de eadem nomine nobilis dominae Anna vocatae consortis suae necnon Symon de dicta Felsebolya in persona nobilis dominae Dorothea vocatae consortis suae et Elia de Galthew similiter in persona nobilis dominae Elizabeth vocatae consortis suae neptis videlicet quondam Jacobi de dicta Felsebolia, item nobilibus Thoma de Alsobolya et Laurencio de Wezzewd illac accersiri debere amonitis ipsisque nonvenientibus sed huiusmodi metarum reambulationibus contradicere nolle intimantibus, sane licet prius egregius Johannes Gereb de Vyngarth, vicegubernator partium Transsilvanarum una cum eodem magistro Nicolao prothonotario ac quam pluribus nobilibus et probis viris nobilibus itaque de Hydegwyz et Bolya praedictis adhaerentibus certas metarum consignationes terris in praescriptis fecerint et consecuti extiterint. Tamen cives et iurati seniores dictae civitatis Czibiniensis et praescripti nobiles de Hydegwiz et de Bolya ex parili voluntate dictorum Saxonum de dicta Hyhalom praescriptas metarum consignationes aboliri et annihilari permittendo de novo certas metarum fecissent consignationes. Super quibusquidem metarum consignationibus apparentes metas¹⁾ in altum sublevantes erexissent⁴⁾ hoc modo: Quod primo incepissent in angulo inter duo fossata fluviorum aquarum quorum unum a parte aquilonariis in Saxonicali lingua Eschyengraben, in Hungaricali vero eulogio Kewarok, aliud vero a parte orientali Saxonicum Bwrchgraben, Hungaricum autem Wararok appellarentur, ubi unam metam terream praescriptae villae Hyhalom separantem sublevassent. Inde eundo inter meridionalem et orientalem plagas penes idem fossatum aquae Wararok et idem fossatum pro meta reliquendo quendam fluvium aquae Kwnnengrwgh vocatum transaliendo in angulo inter eundem fluvium aquae Kwnnengrwgh et dictum fossatum Wararok ad unam arborem salicis unam metam terream cumulassent praedictae villae Hyhalom distinguentem. Inde modic[um d]⁵⁾ eclinando versus orientem penes dictum fluvium aquae Wararok cis eundem penes unam arborem salicis ex opposito cuiusdam alti montis Warhegh dicti unam metam terream eidem villae Hyhalom seperantem erexissent⁴⁾. Ab hinc per longum spatium penes eundem fluvium aquae Wararok ad unam⁶⁾ bifurcatam arborem salicis consimiliter unam metam terream aggregassent. Deinde plagam ad eandem penes quoddam stagnum arondinosum et viminosum a parte meridiei per longum spatium proficiscendo ad unam arborem kwercei⁶⁾ penes unam arborem vulgo Nyrfa vocatam unam metam terream circumfodissent. Ab hinc penes¹⁾ idem stagnum subtus silvam per longum spatium eundo et eodem stagno derelicto iuxta quasdam terras arabiles ante faucem cuiusdam vallis vulgo Feyerwelgh vocatae unam metam terream praescriptae villae Hyhom⁶⁾ distinguentem sublevassent. Inde subtus eandem silvam per bonum spatium proficiscendo ex opposito cuiusdam fontis Lapuhkwth dicti sub et prope arbores stiliarum alio nomine suberum unam metam terream dictae villae Hyhalom distinguendem aggregassent. Deinde declinando directe versus plagam orientalem quoddam fenile transmeando in margine alterius silvae ex opposito existentis ad unam arborem querci unam metam terream praescriptae villae Hyhalom seperantem circumfodissent. Ab hinc penes idem fenile inter meridionalem et orientalem plagas semper subtus et penes eandem silvam transeundo et modicum ad iamdictam orientalem plagam girando per bonum spatium et rursus modicum regirando ad dictam plagam inter meridiem et orientem existentem, unam arborem querci meta terrea eidem villae Hyhalom separante circumdedissent, ita tamen quod idem fenile eisdem vil-[S. 24] lae Hyhalom et dictam silvam cum monte nobilibus de Bolya et de Hydegwyz reliquendo. Deinde egrediendo in quandam semitam incidissent et per fossatum vallosum supraproficiscendo et de eodem fossato ad partem orientalem modicum declinando ad unam magnam arborem querci unam metam terream praedictae villae Hyhalom penes⁷⁾ erexissent. Ab hinc inter silvas directe versus partem orientalem per longum spatium tendendo silvam a parte meridiei eidem villae Hyhalom et a parte aquilonariis possessionis Felsebolya separantes incidissent in quandam viam publicam per eandem ascendendo et modicum de eadem versus meridiem declinando attigissent quendam locum seu foveam Wadwerem nuncupatum in angulo duarum viarum existentem ubi unam arborem querci prope eandem foveam meta terrea saepe nominatae villae Hyhalom pertinente circumfodissent. Et sic ibi metas terrarum eiusdem terrae villae Hyhalom a parte dictae possessionis Felsebolya terminassent nemine contradictore apparente. In cuius rei memoriam firmitatemque perpetuam praesentes literas nostras privilegiales duximus concendendum. Datum in Felse-Bolya praedicta secundo termini praenotati, anno domini millesimo quadringentesimo quinquagesimo octavo.


1) Uber der Zeile. [4x]^{^}
2) Vorlage homant.^{^}
3) August 14.^{^}
4) Vorlage he... [2x]^{^}
5) Lücke 16 mm.^{^}
6) So Vorlage. [3x]^{^}
7) Hierauf arb gestrichen.^{^}