Urkunde Nr. 3138 aus Band VI

Seite im UB:

27

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Heutige Signatur:

Archiv der Stadt Desch [Primăria Oraşului Déj], Urkunden Nr. 38.

Druckvorlage:

nach Original

Abdruck als:

Volltext

Sprache:

Latein

---

3138

Ofen 1458 August 20 König Matthias trägt seinem Salzkammergrafen in Desch auf, die Stadt Desch im Besitz von Şomcutu Mic gegen Ansprüche der Familie Dezsö von Losoncz zu schützen.

Von der Kanzlei: Commissio propria domini regis.

Mathias dei gratia rex Hungariae, Dalmaciae, Croaciae et cetera fidelibus nostris comitibus camararum salium nostrarum in civitate nostra Dees constitutis praesentibus et futuris salutem et gratiam. Quia nos fideles nostros universos cives et inhabitatores civitatis nostrae Dees simulcum omnibus eorum rebus et bonis ac possessione Somkwth vocata in comitatu de Zolnok existente habita et tributo in eadem Somkwth exigi solito necnon vado in dicta Dees sito cunctis etiam aliis iuribus iustis scilicet et legitimis in nostram receperimus protectionem et tutelam specialem viceque nostrae maiestatis personae vestrae commiseramus protectioni et tutelae speciali. Ideo fidelitatibus vestris firmiter praecipiendo mandamus, quatenus eosdem universos cives et inhabitatores dictae civitatis nostrae Dees in cunctis eorum rebus et bonis ac possessione Somkwth tributoque inibi exigi solito sed et vado in eadem Dees sito ac aliis iuribus eorum quibusvis iustis, ut praefertur, et legitimis contra quoslibet illegitimos impetitores et signanter contra et adversus egregios Ladislaum, Sigismundum, Stephanum et Ladislaum filios Desew de Losonch protegere tueri et defensare modis omnibus debeatis auctoritate nostra praesentibus vobis in hac parte attributa et iustitia mediante. Secus non facturi. Praesentibus perlectis exhibenti restitutis. Datum Budae in festo beati regis Stephani, anno domini millesimo quadringentesimo quinquagesimo octavo.

Unten von der Kanzlei: Lecta.