Urkunde Nr. 3142 aus Band VI

Seite im UB:

29

Heute in:

Kronstadt, Staatsarchiv [Direcţia Judeţeană Braşov a Arhivele Naţionale ale Romȃniei]

Heutige Signatur:

Fond 1: Stadt Kronstadt [Primaria Municipiului Braşov], Privilegiensammlung (Colecţia privilegii) Nr. 145.

Druckvorlage:

nach Original

Abdruck als:

Volltext

Sprache:

Latein

---

3142

Zenta 1458 September 11 König Matthias verbietet den Szeklern auf Bitten von Richter und Rat von Kronstadt, die Kronstädter Bürger zu bedrohen und zu belästigen.

Von der Kanzlei: Commissio propria domini regis.

Mathias dei gratia rex Hungariae, Dalmaciae, Croaciae et cetera fidelibus nostris agilibus viris universis Siculis nostris, ubilibet¹⁾ et¹⁾ in¹⁾ quibuscumque¹⁾ locis commorantibus, salutem et gratiam. Exponitur maiestati nostrae in personis fidelium nostrorum¹⁾ circumspectorum iudicis, iuratorum ceterorumque civium et totius communitatis civitatis nostrae Brassouiensis, quomodo hiis novissime praeteritis disturbiorum temporibus vos contra eosdem cives nostros Brassouienses et e converso, ipsi contra vos aliquem conflictum habuissetis seu habuissent, in quo scilicet conflictu nonnulli tam ex vobis quam etiam ex ipsis civibus interfecti essent, alii vero diris vulneribus sanciati. Nunc autem, uti nostrae maiestati declaratur, vos ratione vestrorum interfectorum et vulneratorum eisdem minas imposuissetis, ipsos cives in eorum bonis et rebus dampnificare et spoliare praetendentes. Et quia talismodi patrationes et vulnerationes et omnes alii actus potentiarii temporibus praeteritis usque hoc quoquomodo²⁾ et per quempiam commissi, iuxta vim et formam generalis novi decreti in civitate nostra Pestiensi per universos praelatos, barones, proceres et nobiles regni nostri Hungariae editi, sopiti sunt et penitus condescensi, ideo fidelitati universitatis vestrae <et cui>³⁾ uslibet vestrum harum serie firmiter praecipientes mandamus, quatenus visis praesentibus amodo imposterum se ab impositionibus talismodi dictarum minarum penitus et omnino desistetis ipsosque cives et hospites nostros praefatae civitatis Brassouiensis in personis, possessionibus, rebusque et bonis ipsorum quibusvis impedire, molestare seu quovismodo dampnificare nusquam et nequaquam praesumatis et nec sitis ausi modo aliquali, gratiae nostrae sub optentu, praesentibus perlectis exhibenti restitutis. Datum in villa Zentha feria secunda proxima post festum nativitatis beatae Mariae virginis, anno domini millesimo quadringentesimo quinquamsigeo octavo.


1) Auf Rasur. [5x]^{^}
2) Hierauf commissi gestrichen.^{^}
3) Lücke 1 cm.^{^}