Urkunde Nr. 3151 aus Band VI

Seite im UB:

35-36

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. III (Inventar 27), Nr. 194.

Druckvorlage:

nach Original

Abdruck als:

Volltext

Sprache:

Latein

---

3151

Temeswar 1458 November 29 König Matthias trägt den Sachsen der Sieben und Zwei Stühle auf, zu der für den 6. Dezember nach Segedin anberaumten Reichsversammlung Vertreter zu schicken.

Von der Kanzlei: Commissio propria domini regis.

Mathias dei gratia rex Hungariae, Dalmaciae, Croaciae et cetera fidelibus nostris universis et singulis Saxonibus septem et duarum sedium Saxonicalium Selk et Megyes partium nostrarum Transsilvanarum salutem et gratiam. Scripseramus pridem fidelitati vestrae, ut quia rex Bozniae ad civitatem nostram Zegediensem in proximo ad nos venturus esset, missi quoque per nos nuncii nostri ad imperatorem Romanorum ab eodem ad nos rediissent attulissentque responsa quaedam et conclusiones in facto sacrae coronae regni nostri, praeterea occurrissent plura negotia regni nostri, quae sine vobis et aliis fratribus vestris consummari non possent. Ideo ad festum beati Nicolai episcopi et confessoris proxime venturum¹⁾ in dictam civitatem nostram Zegediensem ad nos quatuor ex vobis vel plures, prout vobis videretur, cum plena facultate mitteretis. Quam ob rem cum iam dictus rex Bozniae crastino²⁾ die in ipsa civitate nostra Zegediensi de facto constituatur nosque similiter crastino²⁾ die accepto itinere illac profecturi simus, praemissaque alia negotia in facto dictae coronae et in aliis rebus regni nostri celeriorem forte quam vos putaretis expeditionem requirant, fidelitati universitatis et cuilibet vestrum harum serie firmiter committimus et mandamus, quatenus statim et in continenti, visis praesentibus nullo alio mandato superinde expectato praefatos quatuor vel plures ex vobis notabilioribus prout vobis videbitur, secundum priora scripta nostra cum plena facultate ad tractandum et concludendum una nobiscum et aliis fratribus vestris de et super praemissis ad dictam civitatem nostram Zegediensem mittere debeatis ita, ut si ante dictum festum beati Nicolai illic constitui non possent, tamen nullo modo praetereant ipsum festum. Quin in ipso festo loco in praedicto omnibus modis constituantur, ut tandem in ipso loco ea, quae tractanda et disponenda fuerint in praemissis unanimi cum deliberatione peragantur. Nec aliquam moram vobis in his queratis, quoniam dietam ipsam pro bono publico atque etiam commodo regni nostri in loco praedicto tenendam³⁾ indiximus. Ubi vero aliud feceritis dicta negotia inconsummata manerent, ad dampnum eiusdem regni nostri non modicum. Secus ergo facere nullatenus praesumatis. Datum in Temesvar in vigi-[S. 36]lia festi beati Andreae apostoli, anno domini millesimo quadringentesimo quinquagesimo octavo.

Auf der Rückseite von gleichzeitiger Hand: Saxonibus.


1) Dezember 6.^{^}
2) Vorlage: crastina. [2x]^{^}
3) Vorlage tenedam. ^{^}