Urkunde Nr. 3152 aus Band VI

Seite im UB:

36

Heute in:

Kronstadt, Archiv der Honterusgemeinde

Heutige Signatur:

I E (Burzenländer Kapitel, Urkunden), Nr. 144 (Liber promptuarii capituli Braschowiensis), fol. 162 verso.

Druckvorlage:

nach Abschrift

Abdruck als:

Volltext

Sprache:

Latein

---

3152

Temeswar 1458 November 30 König Matthias schützt die Geistlichkeit des Weissenburger Bistums gegen Missbräuche betreffend Einquartierungen und Abgaben.

Mathias dei gratia rex Hungariae, Dalmaciae, Croaciae et cetera fidelibus nostris magnificis wayuodis necnon comitibus Siculorum nostrorum partium nostrarum Transsiluanarum ac eorum vicewayuodis et vicecomitibus, necnon egregio Emerico literato de Zapolya et suis hominibus in episcopatu ecclesiae Albensis Transsiluanae loco sui constitutis vel constituendis, item nobilibus castellanis ipsorumque officialibus, civitatibusque opidis et liberis villis ipsorumque rectoribus, iudicibus et villicis alterius etiam cuiusvis status, gradus et conditionis hominibus, praesentes literas nostras visuris, salutem et gratiam. Gravem querelam fidelium nostrorum universorum plebanorum et aliorum clerorum in partibus nostris Transsilvanis praedictis commorantium in eo multum displicenter accepimus, quomodo nonnulli essent ex vobis qui super domos et habitacula praedictorum plebanorum ac aliorum clerorum aut alterius eorum descensum continuum lacere victualia quoque ab eis extorquere ac quasdam abusivas contra libertatem ordinis clericalis inducendo consuetudines eosdem plebanos ac alios cleros in certis marcis argenti et etiam aliter multipliciter taxare, multaque alia nocumenta, dampna, molestias et perturbationes eisdem plebanis ac aliis cleris inferre consuevissent; unde supplicatum extitit maiestati nostrae in personis eorundem universorum plebanorum ac aliorum clerorum in dictis partibus nostris Transsilvanis ubivis commorantium, ut eis superinde de remedio providere dignaremur opportuno. Et quia nos cuique interest ecclesias dei ac rectores eorundem in eorum libertatibus inviolabiliter conservare ac indempnitati eorum consulere, eosdem plebanos et alios universos cleros ac ecclesias eorum in nostram regiam recipimus protectionem et tutelam specialem. Ideo fidelitati vestrae et cuiuslibet vestrum firmiter praecepimus, ita omnimodo habere volentes, quantus a modo imposterum supra praedictorum plebanorum ac universorum aliorum clerorum domos et habitacula descensum aliquem facere, victualiaque ab eis extorquere ac eosdem ac aliquem eorum in argento vel¹⁾ alias quolibet taxare vel¹⁾ alia quaecumque nocumenta, dampna, molestias et perturbationes eisdem aut alteri eorum inferre aut inferri facere nullatenus praesumatis, gratiae nostrae sub optentu. Praesentibus perlectis exhibenti restitutis. Datum in Themeswar in festo beati Andreae apostoli, anno domini millesimo quadringentesimo quinquagesimo octavo.

Von der Kanzlei: Relatio domini Michaelis Orsag, regni Hungariae palatini. [S. 37]


1) Vorlage vel; zweite Abschrift aut. [2x]^{^}