Urkunde Nr. 3154 aus Band VI

Seite im UB:

37

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Heutige Signatur:

Stadt Klausenburg [Primăria Oraşului Cluj] (Inventar 1ff.), Priv. V 8.

Druckvorlage:

nach Original

Abdruck als:

Volltext

Sprache:

Latein

---

3154

Temeswar 1458 Dezember 6 König Matthias bestätigt das alte Recht, dem zufolge in die Stadt Klausenburg keine fremden Weine eingeführt werden dürfen.

Von der Kanzlei: Commissio propria domini regis.

Mathias dei gratia rex Hungariae, Dalmaciae, Croaciae et cetera fidelibus nostris universis et singulis praelatis, baronibus, comitibus, castellanis, nobilibus ipsorumque officialibus item civitatibus, opidis et liberis villis earumque rectoribus iudicibus et villicis cunctisque aliis hominibus extraneis scilicet et in civitate nostra Coloswar commorantibus salutem et gratiam. Cum antiqua libertas et consuetudines civitatis nostrae Coloswaar praedictae id habeat, ut nullus omnino extraneorum hominum scilicet in eadem civitate nostra Coloswaar commorantium vina extranea et forensia ad dictam civitatem nostram introducere possit; ideo fidelitati vestrae et eiuslibet vestrum harum serie firmiter praecipiendo mandamus, quatenus a modo in posterum nullus vestrum vina extranea et forensia in dictam civitatem nostram Coloswaar contra huiusmodi libertates et consuetudines eorum introducere et importare debeat. Alioquin plenam dedimus et praesentibus concedimus facultatem eisdem civibus nostris, ut ipsi vos et quemlibet vestrum ab introductione et importatione huiusmodi vinorum iuxta libertates et antiquas consuetudines eorundem compescant. Secus igitur facere non ausuri. Praesentibus perlectis exhibenti restitutis. Datum in Themeswaar in festo beati Nicolai episcopi et confessoris, anno domini millesimo quadringentesimo quinquagesimo octavo.

Auf der Rückseite von gleichzeitiger Hand: Ut vina extranea in civitatem Cluswar non introducant. [S. 38]