Urkunde Nr. 3159 aus Band VI
- Seite im UB:
- 39-40
- Heute in:
- Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]
- Heutige Signatur:
- Urkundensammlung [Colecţia de documente medievale], Serie U. II (Inventar 25), Nr. 196.
- Druckvorlage:
- nach Original
- Abdruck als:
- Volltext
- Sprache:
- Latein
3159
Segedin 1459 Januar 19 König Matthias trägt Johannes Gereb von Weingartskirchen auf, Michael de Gerend, der die Bewohner von Hermannstadt und die übrigen Sachsen Siebenbürgens auf ihren Handelsreisen beraubt und belästigt hat, zur Rechenschaft zu ziehen und zum Schadenersatz zu verhalten. Orig. Pap. Arh. St. Sibiu U II 196. Siegel, rund, Dm. 69 mm, in rotes Wachs vorne aufgedrückt, Reste mit demselben Stempel wie Nr.
»3111.
Druck: Teleki, Hunyadiak kora (
») X, 611 Nr. 299.
[S. 40]
Von der Kanzlei: Commissio propria domini regis.
Mathias dei gratia rex Hungariae, Dalmaciae, Croaciae et cetera fideli nostro egregio Johanni Gereb de Wyngarth salutem et gratiam. Exponitur nobis in personis universorum civium et inhabitatorum civitatis nostrae Cibiniensis necnon aliorum Saxonum partium nostrarum Transsilvanarum, quomodo quidam Michael de Gerend ipsos eorumque homines et concives in propriis personis et rebus ac bonis eorum impediret, dampnificaret et molestaret, quamplures etiam res et bona eorundem iam abstulisset ipsosque et eorum alterum in praetacta civitate et mansionibus eorum ad necessarias eorundem negotiationes pacifice et sine impedimento exire et deambulare non permitteret, potentia sua mediante, in eorandem praeiudicium et dampnum manifestum. Unde cum nos sicuti alios regnicolarum nostrorum sic non minus ipsos exponentes minus iuste et absque via iuris opprimi volumus et dampnificari, ideo fidelitati tuae firmissime committimus, sic omnino habere volentes, quatenus statim receptis praesentibus eundem Michaelem de Gerend ab inquietatione et impetitione eorundem civium et Saxonum nostrorum per omnia opportuna remedia ac eiusdem gravamina omnibus modis compescere et refrenare, de illatis quoque dampnis, nocumentis et iniuriis per ipsum et eius familiares ipsis civibus et Saxonibus nostris irrogatis meri iuris et condignae satisfactionis complementum adeo et in tantum facere impendere debeas, ne iidem cives et Saxones nostri dampnificati pro abnegata ipsis in hac parte iuris administratione nostrae serenitatis aures amplioribus querelis cogantur propulsare. Et aliud non facturus; praesentibus perlectis exhibenti restitutis. Datum Zegedini feria sexta proxima post festum beatae Priscae virginis et martiris, anno domini millesimo quadringentesimo quinquagesimo nono.
Unten rechts von der Kanzlei: Lecta.