Urkunde Nr. 3164 aus Band VI

Seite im UB:

43

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25 ), Nr. 201.

Druckvorlage:

nach Original

Abdruck als:

Volltext

Sprache:

Latein

---

3164

Segedin 1459 Januar 19 König Matthias bestätigt den sächsischen Kaufleuten Siebenbürgens die Befreiung von der woiwodalen Gerichtsbarkeit und unterstellt sie der Gerichtsbarkeit der Richter in den Sieben und Zwei Stühlen.

Von der Kanzlei: Commissio propria domini regis.

Nos Mathias dei gratia rex Hungariae, Dalmaciae, Croaciae et cetera memoriae commendamus per praesentes quibus expedit universis, quod nostrae maiestatis venientes in conspectum fideles nostri Nicolaus de Wyzakna et Ladislaus Kakas de Cibinio ipsorum ac aliorum universorum mercatorum Saxonum partium nostrarum Transsilvanarum nominibus et in personis, nostrae humiliter supplicarunt maiestati, ut nos eosdem mercatores ac eorum successores in ipsorum antiquis libertatibus conservare dignaremur. Nos itaque humilimis supplicationibus antefatorum Nicolai et Ladislai per ipsos modo antelato in personis dictorum mercatorum nostrae porrectis maiestati benigniter exauditis, eosdem mercatores Saxones praedictarum partium nostrarum Transsilvanarum corumque successores universos in praescriptis ipsorum antiquis libertatibus, gratiis, praerogativis et indultis consuetudinibus ipsis, ut praefertur, per dominos¹⁾ reges nostros ut puta praedecessores gratiose concessis irrefragabiliter tenere volumus et conservare ac eosdem a iudicio et iudicatu vaivodarum et vicevaivodarum partium nostrarum Transsilvanensium praedictarum praesentium et futurorum penitus et in totum eximentes et supportantes, iudicio et iudicatui ac tutelae et protectioni iudicum et iustitiariorum septem et duarum sedium Saxonicalium constitutorum vel constituendorum submisimus et anneximus, imo eximimus et supportamus submittimusque et annectimus vigore et testimonio praesentium literarum nostrarum mediante. Datum Zegedini feria sexta proxima post festum beatae Priscae virginis et martyris, anno domini millesimo quadringentesimo quinquagesimo nono.


1) Vorlage dnos ohne Abkürzungszeichen.^{^}