Urkunde Nr. 3179 aus Band VI

Seite im UB:

53-54

Heute in:

Kronstadt, Staatsarchiv [Direcţia Judeţeană Braşov a Arhivele Naţionale ale Romȃniei]

Heutige Signatur:

Fond 1: Stadt Kronstadt [Primaria Municipiului Braşov], Privilegiensammlung (Colecţia privilegii) Nr. 151.

Druckvorlage:

nach Original

Abdruck als:

Volltext

Sprache:

Latein

---

3179

Ofen 1459 April 23 König Matthias befiehlt Richter und Rat von Kronstadt sowie den Gemeinden des Burzenlandes, die in Kronstadt befindlichen Güter von Bewohnern der Walachei, sowie den beschlagnahmten Pfeffer den Szeklergrafen zu übergeben.

Von der Kanzlei: Relatio Aladarii de Varada magistri pincernarum.

Mathias dei gratia rex Hungariae, Dalmaciae, Croaciae et cetera fidelibus nostris circumspectis civibus et communitati civitatis nostrae Brassouiensis, item universis et singulis iudicibus, villicis ac communitati terrae Barcza salutem et gratiam. Exposuerunt nobis fideles nostri magnifici Johannes de Labathlan et Ladislaus de Pakws, comites Siculorum nostrorum, qualiter nonnullae res ad septem millia florenorum auri se extendentes per certos homines partium Transalpinarum nuper dum videlicet mundi guerra et turbationes per waywodam Transalpinum suscitatae fuissent, in medio vestri repositae extitissent, ac eaedem et quaedam aliae res condam Koldra per dictum waywodam decollati, ad tria millia florenorum auri se extendentes etiam nunc in medio vestri haberentur, quae res neminem alium nisi nostram maiestatem ac dictos comites Siculorum nostrorum concernerent, cum iam idem waywoda Transalpinus guerram et turbationes contra partes nostras Transsiluanas suscitaverit et inchoaverit; praeterea quod cum pridem castellani dictorum comitum Siculorum nostrorum in Therch a quibusdam hominibus in falsa et sinistra via proficiscentibus, certam quantitatem piperis ad valorem sexingentorum¹⁾ florenorum auri se extendentem abstulissent. Tunc iudex et iurati cives dictae civitatis nostrae Brassouiensis necnon villicus in eadem constitutus eosdem castellanos nostros captivassent nec prius dimisissent, donec ab eisdem huiusmodi quantitatem piperis extorsissent, de quo eisdem graviter imputamus et tempore suo rationem ab eisdem superinde exigere intendimus. Quare scripsimus per alias literas nostras eisdem iudici et iuratis civibus antefatae civitatis nostrae Brassouiensis necnon villico praefato, ut ipsi huiusmodi res ad septem et tria milia florenorum auri necnon dictam quantitatem piperis ad sexingentos florenos auri se extendentem hominibus praefatorum comitum Siculorum nostrorum, praesentium scilicet ostensoribus, plene et sine aliquo defectu dare et assignare debeant. Igitur fidelitati vestrae praecipientes mandamus et committimus, ut si praetacti iudex et iurati cives ac villicus in restitutione huiusmodi rerum ad septem et tria milia florenorum auri necnon quantitatis piperis ad sexingentos florenos auri se extendentis negligentes et recusantes fuerint, extunc vos eosdem, ampliori nostro mandato superinde non exspectato, ad integram restitutionem omnium praemissarum rerum per omnia opportuna remedia arcius compellatis et astringa-[S. 54]tis, auctoritate nostra praesentibus vobis in hac parte attributa et iustitia mediante; et aliud facere non praesumatis. Praesentes autem facta restitutione poteritis apud vos pro vestra expeditione retinere. Datum Budae in festo Adalberti episcopi et martyris, anno domini millesimo quadringentesimo quinquagesimo nono.


1) Gebessert aus sexagentorum. ^{^}