Urkunde Nr. 3192 aus Band VI
- Seite im UB:
- 61
- Heute in:
- Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]
- Heutige Signatur:
- Stadt Bistritz [Primăria Oraşului Bistriţa] (Inventar 58ff.), Nr. 147.
- Druckvorlage:
- nach Original
- Abdruck als:
- Volltext
- Sprache:
- Latein
3192
Ofen 1459 September 18 König Matthias verbietet den Kastellanen der Burg Bistritz, die neue Abgabe, die der Stadt auferlegt wurde, einzuheben. Orig. Pap. Arh. St. Cluj-Napoca, Archiv der Stadt Bistriţa Nr. 147. Siegel, rund, Dm. 69 mm, in rotes Wachs vorne aufgedrückt. Derselbe Stempel wie Nr.
»3111.
Regest: Archiv. Zeitschrift (
») XII, 1887, 82. Berger, Urkunden-Regesten (
») 30 Nr. 147.
Berger - Wagner, Urkunden-Regesten (
») I, 50 Nr. 147. +
Commissio propria domini regis.
Mathias, dei gratia rex Hungariae, Dalmaciae, Croaciae et cetera fidelibus nostris egregiis Michaeli Zekel et Stephano de Hederffa, castellanis castri Bysstriciensis, salutem et gratiam. Maiestatis nostrae veniens in praesentiam fidelis noster Andreas Farkas, civis civitatis Bystriciensis praedictae, supplicavit idem nobis in sua ac iudicis et iuratorum civium, necnon universorum populorum et inhabitatorum dictae civitatis Bistriciensis personis in eo ut illam taxam, quam nuper super eosdem imponi feceramus, gratiose eisdem remittere et relaxare dignaremur. Et quia nos facta unione et concordia cum spectabili et magnifico Michaele Zylagy de Horogzeg, comite perpetuo Bystriciensi, fratre nostro carissimo, idem castrum Bystriciense scilicet civitatem eandem simul cum pertinentiis et utilitatibus earundem universis eidem remisimus et remitti volumus. Ideo fidelitati vestrae harum serie firmiter praecipiendo mandamus, ita omnino habere volentes, quatenus, si ipsam taxam interim quousque literae nostrae ac eiusdem comitis Michaelis de Horogzeg fratris nostri carissimi illac ad vos pervenerunt, in toto vel aliquid de eadem taxa non exegissetis, extunc exigere non audeatis, nec ad ipsos iudicem, iuratosque cives ac populos et inhabitatores antedictae civitatis Bystriciensis scilicet pertinentiarum eiusdem vos in aliquibus ingerere praesumatis, sed manus vestras et vestrorum quorumlibet de medio ipsorum penitus et per omnia excipere et excipi facere debeatis et teneamini. Secus non facturus; praesentibus perlectis exhibenti restitutis. Datum Budae feria tertia proxima ante festum beati Mathei apostoli et evangelistae, anno domini millesimo quadringentesimo quinquagesimo nono.