Urkunde Nr. 360 aus Band I

Seite im UB:

335-336

Heute in:

Vatikanstadt, Vatikanisches Archiv [Archivum Secretum Apostolicum Vaticanum, Archivio Segreto Vaticano]

Druckvorlage:

nach anderem Urkundenbuch mit Quellennachweis

Abdruck als:

Volltext

Sprache:

Latein

---

360

Avignon [1318] Juni 17 Papst Johann XXII. beauftragt die ungarische Geistlichkeit und den päpstlichen Steuersammler Rufinus de Civino, bei der Einhebung der Steuer überflüssige Kosten zu vermeiden.

[S. 336] Johannes episcopus . . . . . venerabilibus fratribus archiepiscopis et episcopis per regnum Ungariae constitutis ac dilecto filio magistro Rufino de Civino archidiacono Tollensi in ecclesia Quinqueeclesiensi apostolicae sedis nuncio salutem. . . . . . Fide digna nuper assertione percepimus, quod subdelegati, quia vobis aut aliquo vestrum pro colligendis fructibus, redditibus et proventibus primi anni beneficiorum ecclesiasticorum regni Ungariae deputatorum usque ad triennium auctoritate apostolica pro ecclesiae Romanae necessitatibus relevandis, quorum collectionem vobis per nostras sub certa forma commisimus literas, destinantur, pro superfluis expensis ipsorum magnam partem consumunt fructuum, reddituum et proventuum eorundem. Quare discretioni vestrae per apostolica scripta mandamus, quatenus, ne de cetero pro collectione huiusmodi fiant expensae supervacuae, diligentius providere curetis. Et ut superfluitati expensarum huiusmodi obvietur, vobis fratres archiepiscopi et episcopi videlicet singulis vestrum in sua civitate ac diocesi taxandi una tecum, fili Rufine, subdelegatis eisdem moderatas expensas plenam concedimus tenore praesentium potestatem, vestras super hoc conscientias onerando. Datum Avinione, XV. Kalendas Julii, anno secundo.