Urkunde Nr. 3201 aus Band VI

Seite im UB:

69-70

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Heutige Signatur:

Stadt Bistritz [Primăria Oraşului Bistriţa] (Inventar 58ff.), Nr. 45.

Druckvorlage:

nach Original

Abdruck als:

Volltext

Sprache:

Latein

---

3201

Bistritz 1460 Januar 1 Der Richter Georg Ayben und der Rat von Bistritz entscheiden einen Streit zwischen zwei Bürgern von Sächsisch-Regen.

Nos Georgius Ayben iudex ceterique iurati consules civitatis Bystriciensis memoriae commendamus significantes quibus expedit universis et signanter vobis circumspectis viris iudici et iuratis in oppido Reghen commorantibus vicinis et fratribus nobis dilectis, quod in nostram veniens praesentiam discretus magister Petrus rector scolarum de eadem nobis debita cum instantia supplicare curavit, ut copiam sententiae nostrae pro parte Valentini Pellificis contra Jacobum Literatum concivium vestrorum iam pridem latae et diffinitae una cum assignationem rationis puta ob quam causam ipsam sic dare decrevissemus, nostris mediante literis transsumptam dare dignaremur. Nos vero iustis petitionibus ipsius magistri Petri facilem praebentes assensum, volentes etiam prout decet minus honestae suspicionis viam exterminare, odio aut favore quorumcumque exclusis, sub hac forma sequenti, inter partium praedictarum actitationes nostram diffinitivam tulimus sententiam nostrae sedis lege requirente videlicet ipsum Jacobum Literatum in solutione homagii unius hominis esse convictum. Ea de causa, quod quinque ydoneorum virorum de Reghen testimonio probatum extitit, puellam in sua aegritudine dixisse, si eam mori contingeret, plagis et percussionibus Jacobi Literati moreretur, et ad facti evidentiam. Idem Jacobus dictam puellam tribus plagis seu ictibus percussisse propriae vocis oraculo recognovit prout ididem in literis vestrarum prudentiarum sufficienter comperimus declaratum. Et quia in eisdem literis vestris quaedam clausula in fine quasi inseritur, materiam literarum concludendo, a qua quidam clausula uti nobis exponitur, oriri agnoscitur suspicio vehemens, dominationes discernant aliud ius nos etiam libenter volumus sequi, unde praedictam clausulam in corpore literarum vestrarum revidimus et denuo interpretari fecimus, quae clausula ipsas literas vestras¹⁾ sine aliquo vicio legaliter concludit et de bene esse eisdem²⁾ inseritur, praedictis itaque rationibus et causis legitimis nullo vicio vestrarum literarum occurente praedictam nostram disserebamus sententiam difinitivam, vestris providentiis pro facultate nostra rever-[S. 70]suri. In quorum evidens testimonium praesentes sigillo civitatis nostrae minori consignari fecimus. Datum Bystriciae ipso die circumcisionis domini, anno³⁾ eiusdem millesimo quadringentesimo sexagesimo.


a) Im UB Abbildung des Siegels des Rats von Bistritz auf Tafel VI, Bild 1, unten als »Abb. ^{^}

1) Hierauf 10 mm gestrichen.^{^}
2) Uber der Zeile. Darunter earundem durchgestrichen.^{^}
3) Gebessert aus annus.^{^}

Abb.