Urkunde Nr. 3216 aus Band VI

Seite im UB:

78

Heute in:

Kronstadt, Staatsarchiv [Direcţia Judeţeană Braşov a Arhivele Naţionale ale Romȃniei]

Heutige Signatur:

Fond 1: Stadt Kronstadt [Primaria Municipiului Braşov], Sammlung Schnell II, Nr. 17.

Druckvorlage:

nach Original

Abdruck als:

Volltext

Sprache:

Latein

---

3216

1460 Mai 27 Der Rat von Kronstadt ersucht den Rat von Vaslui um Herausgabe der Güter des Stephanus Albus aus Tartlau.

Amicabili complacentia sedule cum honore praemissa. Prudentes circumspectique viri amici honorandi. Vestrae damus scire amicitiae, quod nos cum magnifico domino Stephano waywodoe domino vestro tale pacis vinculum et dispositionem fecimus et mediantibus literis suae magnificentiae et similiter nostris roboravimus, quod nullus ex vestris hominibus nostros homines in vestri medio habeat et debeat impedire, arrestare et res ac bona recipere, signanter pro debito, delicto aut excessu aliorum hominum, sed si quis ex vobis cum nostris hominibus aliquid actionis aut querelae habet, id iuridice coram nobis prosequatur et prosequi habet. Similiter nos vestros homines propter debita aliorum non habemus impedire, sed quilibet suos debitores coram iudice sub quo residet debet quaerere, quidam autem ex vestris res providi viri Stephani Albi de Prasmar receperunt et de praesenti retinent. Petimus igitur vestras providentias ut eosdem informare velitis ut res receptas restituant, suosque debitores, si quos in nostro¹⁾ medio habent, quaerant et iuridice contra eosdem agant et debita prosequantur ipsis enim et singulis aliis coram nobis causantibus, ut ex officio nostro tenemur iustitiae complementum exhibebimus, iuris tamen ordine observato. Datum feria tertia proxima post diem sancti Urbani, anno domini millesimo CCCC^o sexagesimo.

Vobis autem secus in praemissis facientibus, ordinationem domini vestri infringetis, et nos licet inviti eodem domino vestro querulari opportet. Iudex et iurati cives civitatis Brassouiae.

Auf der Rückseite Adresse: Providis et circumspectis viris iudici et iuratis in Wazlo partium Moldauiae, amicis nostris sinceris.


1) Vorlage nostra. ^{^}