Urkunde Nr. 3217 aus Band VI

Seite im UB:

78-79

Heute in:

Kronstadt, Staatsarchiv [Direcţia Judeţeană Braşov a Arhivele Naţionale ale Romȃniei]

Heutige Signatur:

Fond 1: Stadt Kronstadt [Primaria Municipiului Braşov], Privilegiensammlung (Colecţia privilegii) Nr. 154.

Druckvorlage:

nach Original

Abdruck als:

Volltext

Sprache:

Latein

---

3217

Erlau 1460 Juni 3 König Matthias befiehlt Richter und Rat von Kronstadt, den Burgen Törzburg, Köniqstein und Heldenburg Lebensmittel für 100 Gulden zu liefern.

Von der Kanzlei: Commissio domini regis, Emerico de Hedrehwara magistro curiae referente.

Mathias dei gratia rex Hungariae, Dalmaciae, Croaciae et cetera fidelibus nostris circumspectis iudicibus, iuratis ceterisque civibus et communitati civitatis nostrae Brassouiensis et terrae Barcza salutem et gratiam. Audivimus castra nostra Therch, Kyralkew et Helthwen vocata ex incuria vel potius negligentia priorum comitum Siculorum nostrorum sine victualibus esse relicta, ita ut formidaretur exinde periclitatio eorundem castrorum et per consequens illarum partium nostrarum. Quare nos remedium conservationi eorundem castro-[S. 79]rum nostrorum adhibere volentes tempestivum, fidelitatem vestram rogamus eidemque nihilominus firmiter committimus, quatenus statim et incontinenti visis praesentibus nullo ampliori mandato superinde exspectato disponatis victualia ad centum florenos auri se extendentia et eadem victualia disposita tandem sine mora in castris praefatis secundum informationem modernorum comitum Siculorum nostrorum statuere et locare debeatis. Nos enim huiusmodi centum florenos auri, pro quibus ipsa victualia disposueritis, de proventibus argenti anni instantis vobis defalcabimus. Secus ergo et prout formidatis periclitationem ipsorum castrorum facere non audeatis; praesentes quoque facta dispositione huiusmodi victualium apud vos poteritis reservare. Datum Agriae tertio die festi Penthecostes, anno domini millesimo quadringentesimo sexagesimo.

Unten rechts von der Kanzlei: Lecta.