Urkunde Nr. 3222 aus Band VI

Seite im UB:

81-82

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Heutige Signatur:

Stadt Klausenburg [Primăria Oraşului Cluj] (Inventar 1ff.), Priv. V Nr. 9.

Druckvorlage:

nach Original

Abdruck als:

Volltext

Sprache:

Latein

---

3222

1460 Juli 8 Der Gubernator Bartholomäus und der Konvent von Kolozsmonostor erlassen allen Weingarteninhabern auf dem Gebiet der Abtei die Leistung des Grundzinses in Wachs und Geld sowie den Weinneunten, um dadurch die Rebenkultur im Bereich der Abtei zu heben, verpflichten sie aber zur Abgabe des Zehnten.

Bartholomeus gubernator et conventus abbatiae monasterii beatae Mariae virginis de Colosmonostra omnibus Christi fidelibus tam praesentibus quam futuris praesentium notitiam habituris salutem in omnium salvatore. Ad universorum notitiam harum serie volumus pervenire, quod quia prudentes et circumspecti viri Petrus Balog, Melchior Sleffer, Leonardus Bwlchyn, Lucas Kysmesther, Erasmus Engel et Nicolaus dicti¹⁾ Zompol concives et inhabitatores civitatis Coloswar, in ipsorum ac universorum hospitum et incolarum dictae civitatis [S. 82] Coloswar, nec non quorumlibet hominum ubicumque locorum cunctantium, ab una parte vero ex altera providi viri Franciscus Jo, Johannes Nag, Andreas Zekel, Johannes Gebarth, alter Johannes Nebleng et Laurencius dicti¹⁾ Solar hic in possessione nostra Monosthor residentes, similiter in ipsorum universorum iobagionum in dicta Monosthor nec non aliorum ubivis locorum commorantium personis, qui videlicet in territorio antefati monasterii vineas haberent nostram accendentes praesentiam, parili voce nobis retulerunt supplicantes, quod quia ipsi in nostro et praedictae ecclesiae nostrae territorio intra metas eiusdem monasterii nostri nonnullas vineas haberent et conservarent pro quibusquidem vineis hactenus pro terragio montis vinearum videlicet pro quolibet iugere vinearum unum talentum cerae nobis et nostris praedecessoribus a pluribus retroactis temporibus dedissent et exsolvissent, propter quam cerae exactionem quam plures vineae in iam dicto nostro territorio desolatae forent, immo unum integrum promontorium Gorbo appellatum prorsus et omnino incultum et inexcolatum ac desertum et in nihilum redactum reliquentes. Nos itaque attendentes praemissas damnificationes, periclitationes ac diminutiones nostrorum ac praefatae ecclesiae fructuum et proventuum pati et sufferre nolentes, sed potius ipsos fructus et proventus augmentari ut tenemur et non periri et diminui volentes, non enim solum praelibatum promontorium, sed et promontoria nostra alia puta Kewmal ultra fluvium Zamos a septemtrionali et Pethlend appellata, a meridionali²⁾ partibus et plagis terrae existentia desolata et desertata iam de facto forent inchoacta, saepedictam etiam ceram hactenus exactam, agnovimus magis fuisse maximum in nocumentum nobis nostrisque³⁾ praedecessoribus ac praetactae ecclesiae nostrae quam alicuius commodositatis. Ne ideo praelibatarum vinearum promontoria temporibus successivis desolarentur et in nihilum redigerentur sed ut ipsa vinearum promontoria magis reformarentur et in uberiorem fructuositatem devenire possent, nobisque ac memoratae ecclesiae nostrae necnon nostris futuris abbatibus in fructuosiorem profectum existerent, ex deliberato animo maturoque consilio in nobis praelibato, hanc gratiam annuimus perpetue duraturam omnibus hiis, qui videlicet in territoriis seu promontoriis praenotati monasterii beatae Mariae virginis vineas habere dinoscerentur conservarentque et haberent, ipsam saepedictam ceram pro terragio montis vinearum exigi consuetam ac in singulis tribus iugeribus terrarum pro terragio montis unum florenum auri a die datarum praesentium futuris perpetuis temporibus remittimus et remissimus atque relaxamus unacum nonis vinorum, nisi dumtaxat de vinis ex eisdem vineis nobis et dictae nostrae provenire debentibus veras et iustas decimas exsolvituri existant, uti cultores fidei christianae de suis vinis et frumentis veras et iustas decimas in patrimonium crucifixi dare consueverunt. Nosque etiam universas literas nostras privilegiales causalesque et adiudicatorias sub quibusvis formis verborum, in facto dictae cerae ac in singulis tribus iugeribus terrarum pro terragio montis unum florenum auri necnon nonae partis vinorum emanatas, cassas, vanas et inanes viribusque carituras exhibitoribusque earundem nocituras, reliquimus et commisimus. Insuper volumus ut nostri successores abbates praemissam dispositionem nulla ratione et caute la nulliusque iuris et consuetudinis remediis suffragantibus, nec etiam in ultima eorum voluntate huic dispositioni valeant quoquomodo contraire et ipsam in irritum revocare. In cuius rei memoriam firmitatemque perpetuam praesentes literas nostras privilegiales pendentis et autentici sigilii nostri munimine roboratas duximus concedendas. Datum feria tertia proxima ante festum beatae Margarethae virginis et martiris, anno domini millesimo quadringentesimo sexagesimo. [S. 83]


1) So Vorlage. [2x]^{^}
2) Vorlage mere... ^{^}
3) Hierauf pre am Zeilenschluss.^{^}