Urkunde Nr. 3239 aus Band VI

Seite im UB:

91-93

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Kirchenarchive A.B. [Colecţia de documente ale parohiilor ev. CA săseşti] Serie II (Inventar 228), Nr. 1309 - Abt.47: K. A. Wurmloch [Parohia Ev. CA Valea Viilor], Nr. 1.

Druckvorlage:

nach Original

Abdruck als:

Volltext

Sprache:

Latein

---

3239

Thorenburg 1460 Oktober 17 Der siebenbürgische Vizegubernator Johann Gereb de Vingard beurkundet die Grenzbegehung zwischen Wurmloch und Mortesdorf.

Nos Johannes Greb de Wyngarth partium Transsilvanarum vicegubernator et universitas nobilium earundem partium Transsilvanarum memoriae commendantes tenore praesentium significamus quibus expedit universis, quod [S. 92] cum ad legitimae petitionis instantiam Ladislai Linck comitis regalis, Anthonii Murer villici item Mathiae doleatoris, Nicolai sutoris, Petri similiter doleatoris, Casparis fabri et Nicolai Newnaber iuratorum seniorum de villa regali Baromlacka in ipsorum ac totius communitatis eiusdem villae regalis Baromlacka nominibus et personis nobis in hac parte porrectae magistrum Nicolaum partium Transsilvanarum protonotarium nostrum hominem ad infrascriptam metarum rectificationem specialiter deputatum duxissemus transmitendum. Tandem idem exinde ad nos reversus nobis retulit, quod ipse feria secunda proxima ante festum beatae Margarethae virginis et martyris¹⁾ ex deductione praelibatorum seniorum de villa Baromlacka ad faciem terrae inter eandem villam regalem Baromlacka et inter possessionem Mortentelke Nicolai de Gerend et aliorum nobilium adiacentis accessisset, ubi ipso praesente, vidente et audiente a notatis comite regali ac villico et senioribus de dicta villa regali Baromlacka, ut superius narratur in eorum et totius communitatis eiusdem villae personis ab una parte, siquidem ex alia memorato Nicolao de Grend personaliter adhaerentibus, item nobilibus et honestis viris Georgio Thabyas de Etczel, Georgio comite de Musna, Andrea Latcz, Laurencio Geppel et Johanne Herman de eadem, item Laurencio comite de Buz, Jacobo comite de Nymps, Johanne iudice de Megyes, Valentino literato, Johanne Rewel, Laurencio aurifabro et Laurencio carnifice de eadem, Ladislao comite de villa Ysopis et Nicolao Gyrger ac Simone Scholer de eadem ceterisque quampluribus probis et honestis viris de duabus sedibus Saxonicalibus extunc inibi personaliter constitutis, annotati comes ac villicus et seniores et Nicolaus de Grend ex ordinativa compositione praelibatorum proborum ac nobilium virorum modo antelato inibi adhaerentium in infrascriptis metarum demonstrationibus et reambulationibus per omnia concordantes ad talem deveniendo pacis et concordiae unionem, quod praescriptam terram modo praetensato inter eandem villam regalem Baromlacka et possessionem Mortentelke adiacentem per suas veras metas et antiquas, novas iuxta veteres erigendo hoc modo reambulassent. Quod primo incepissent in capite cuiusdem montis Hewasreock vocati ubi penes quondam antiquam metam a parte orientis villae regali Ysopis, alio nomine Ysopfalwa a parte vero meridiei possessioni Mortentelke vocatae et a plaga occidentali similiter villae regali Baromlacka separantem et distinguentem de terra novam metam erexissent. Abhinc directe ad plagam meriodionalem inter rubeta descendendo in margine eorundem rubelatorum in planitie similiter penes quandam antiquam metam a parte meridiei praedictae possessioni Mortentelke et a parte occidentali annotatae villae regali Baromlacka distinguentem de terra cumulassent. Deinde vero eandem plagam meridionalem tenendo quandam viam forensem per quam a dicta Mortentelke iretur ad Megyes transsaliendo ex opposito praedictae metae secus quandam viam descendentem de monte Bocholczreock vocato et incidentem dictam viam forensem similiter unam novam metam terream a parte meridiei praescriptae possessionis Mortentelke et a parte occidentali dictae villae regali Baromlacka separantem erexissent. Abhinc denique dictum montem ascendendo et modicum girando ad plagam meridionalem et occidentalem plagas eandem viam pro meta inter annotatam possessionem Mortentelke et dictam villam Baromlacka relinquentes supra in monte inter rubetas secus eandem viam a parte aquilonari consimiliter novam metam penes antiquam de terra modo antelato separantem aggregassent. Inde vero per aciem cuiusdam Byrcz in eadem via proficiscendo²⁾ in margine montis cis et prope eandem viam penes quandam antiquam metam modo praemisso separantem unam metam terream congregassent. Abhinc vero descendendo quasi per iactum unius lapidis similiter novam metam praemisso modo separantem erexissent. Deinde iterum descendendo modicum et [S. 93] sub monte penes terras arabiles similiter novam metam fecissent. Deinde vero ad eandem plagam meridionalem proficiscentes in fine terrarum arabilium ad eandem villam Baromlacka pertinentium gyrantes et regyrantes certis metis penes antiquas metas modo saepius nominato de terra de novo erectis. Quadam etiam particula terrae inculta Puzthahathar vocata inter terras praescriptae possessionis Mortentelke et villa Baromlacka adiacente communi usui reliquendo ad quendam monticulum in fine eiusdem terrae incultae existens pervenissent in vertice cuius penes antiquam metam novam metam de terra modo supra nominato distinguentem et separantem cumulassent. Abhinc directe plagam ad eandem pergentes quandam viam per quam de dicta Mortentelke ad dictam villam Baronlacka iretur, vel e converso et quandam vallem transsalientes ad aliam vallem incidentes, per quam in planitie eundo in pede cuiusdam montis subtus silvam Ardaschbocholcz vocatam similiter unam metam modo praetensato distinguentem de terra fecissent. Et licet cursus metales terrarum praescriptae villae regalis Baromlacka ulterius et ad longiora loca processum habere debere assertum extiterit tamen ea vice cursus metalis inter eandem villam Baromlacka et inter dictam possessionem Mortentelke omnino praemisso³⁾ ibi terminassent. Quibus sic ut praenarratur peragatis et peractis idem magister Nicolaus prothonotarius unacum memoratis probis ac nobilibus et honestis viris modo praeallegato inibi adhaerentibus terras, silvas et rubeta sub inclusionibus praetitulatarum metarum modo antelato erectarum a parte praescriptae villae regalis Baromlacka situatas et adiacentes eisdem senioribus et toti communitati eiusdem villae Baromlacka statuissent et commisissent tenenda, possidenda pariter et habenda nemine pro tunc contradictore apparente. In cuius rei memoriam firmitatemque perpetuam praesentes literas nostras privilegiales sigillo praecedentium vicevaivodarum, quo ipsi in exequendis causis nostri in medio utebantur consignatas duximus concedendas. Datum Thordae duodecimo die octavarum festi beati⁴⁾ Michaelis archangeli, anno domini millesimo quadringentesimo sexagesimo.


1) Juli 7.^{^}
2) Vorlage profississcendo. ^{^}
3) Über der Zeile d. ^{^}
4) Unter der Zeile nachgetragen.^{^}