Urkunde Nr. 3243 aus Band VI
- Seite im UB:
- 95
- Druckvorlage:
- nach Original
- Abdruck als:
- Volltext
- Sprache:
- Latein
3243
Rom 1460 Dezember 27 Die Kardinäle Isidorus, Guillermus u.a. verleihen der Allerheiligenkirche in Wölz einen Ablass. Orig. Perg. Archiv der Evang. Kirchengemeinde A.B. Mediaş Nr. 36. Vier Siegel waren an Hanfschnüren angehängt. Das fünfte Siegel, ebenfalls an Hanfschnur angehängt, spitzoval cca 50 + 60 mm, rotes Wachs auf weissem Wachsuntergrund. Im Siegelfeld Reste mit zwei stehenden Figuren unter Doppelbaldachin, darunter Bischofsfigur, flankiert von zwei Wappen.
Die mit der Jahreszahl 1461 versehene Urkunde muss dem angegebenen Pontifikatsjahr zufolge in das Jahr 1460 rückversetzt werden. Es wird daraus deutlich, dass in der Kanzlei der Kardinäle noch der Jahresanfang vom 25. Dezember herrschte.
Isidorus Sabinensis episcopus, Guillermus tituli sancti Martini in montibus, Latinus tituli sanctorum Johannis et Pauli, Johannes tituli sanctorum quatuor coronatorum, Petrus tituli sancti Marci, Johannes tituli sanctae Priscae. Jacobus tituli sanctae Anastasiae, Nicolaus tituli sanctae Ceciliae, Berardus tituli sanctae Sabinae presbiteri, Rodericus tituli sancti Nicolai in carcere, Tuliano diaconus miseratione divina sacrosanctae Romanae ecclesiae cardinales universis et singulis Christi fidelibus praesentes literas inspecturis, visuris pariter et audituris salutem in domino sempiternam. Splendor paternae gloriae, qui sua mundum ineffabili illuminat claritate, pia vota fidelium de ipsius clementissima maiestate sperantium tunc praecipue benigno favore prosequitur cum devota ipsorum humilitas sanctorum precibus et meritis adiuvatur. Cupientes igitur ut parochialis ecclesia omnium sanctorum in Weltz, Transsilvanae diocesis, congruis frequentetur honoribus fidelesque Christi eo libentius devotionis causa confluant ad eandem, quo ibidem dono coelestis gratiae uberius se noverint fore refectos et a Christi fidelibus iugiter veneretur de omnipotentis dei misericordia et beatorum Petri et Pauli apostolorum eius auctoritate confisi, omnibus et singulis vere poenitentibus et confessis, qui dictam ecclesiam in nativitatis, resurrectionis, pentecostes domini nostri Jhesu Christi, purificationis beatae gloriosae virginis Mariae, omnium sanctorum festivitatibus et celebritate huiusmodi devote visitaverint annuatim et ad reparationem et conservationem aedificii, calicum, librorum aliorumque ornamentorum pro divino cultu inibi necessariorum manus quotienscumque porrexerint adiutrices. Nos cardinales praefati et quilibet nostrum pro qualibet die ipsarum festivitatum et celebratione huiusmodi centum dies indulgentiarum de iniunctis eis poenitentiis misericorditer in domino relaxamus praesentibus vero perpetuis futuris temporibus duraturis. In quorum omnium fidem et testimonium praemissorum praesentes nostras literas exinde fieri nostrorumque cardinalatuum sigillorum iussimus et fecimus appensione communiri. Datum Romae sub anno a nativitate domini nostri millesimo quadringentesimo sexagesimo primo, die vero vigesima septima mensis decembris, pontificatus sanctissimi in Christo patris et domini nostri domini Pii divina providentia papae secundi anno tertio.
Auf der Plica vom gleichen Schreiber: Has indulgentias impetrari fecerunt honorabilis et discreti viri Nicolaus Schonenberger presbyter et Gregorius Schonenberger ac Goderbarmet laici ut prosequentes ipsas dicant pro animabus ipsorum orationem dominicam et salutationem angelicam ave Maria.