Urkunde Nr. 3245 aus Band VI

Seite im UB:

96-97

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Druckvorlage:

nach Manuskript 19. Jahrhundert

Abdruck als:

Volltext

Sprache:

Latein

---

3245

Gilău 1461 Januar 8 Der siebenbürgische Bischof Matthäus trägt dem Dekan des Kiralyer Kapitels auf, den Anordungen des Dechanten des Bistritzer Kapitels Folge zu leisten.

Mattheus dei et apostolicae sedis gratia episcopus Albensis Transsilvanae sincere nobis in Christo dilecto honorabili et discreto decano de Kiralia salutem in domino. Ex relatione honorabilium decani Bistritiensis et ecclesiarum rectorum sub eodem decanatu commorantium percepimus querulose, qualiter vos cum aliquod mandatum nostrum aut aliquod aliud totum episcopatum concernens ad eodem pervenerit simul cum eis stare nolletis et valde tepidi et negligentes essetis in huiusmodi mandati executione. Cum tamen ut ab antiquo didicimus semper mandatis et requisitionibus decani Bistritiensis pro tempore constituti parere teneamini, ideo vestram dilectionem paternaliter accusamus et nihilominus in virtute sanctae obedientiae firmiter praecipimus et mandamus per praesentes, quatenus a modo in posterum quemadmodum alias omnibus mandatis et requisitionibus decani Bistritiensis pro tempore constituti vel in futurum constituendi parere debeatis. Alioquin commisimus praefato decano Bistriciensi et praesentium serie committimus dantes in hac parte plenam auctoritatem, ut vos si contra praemissa feceritis vel alter fecerit dicta auctoritate nostra per censuras nostras ecclesiasticas et alia iuris remedia ad [S. 97] parendum huiusmodi mandatis arctius compellat et astringat. Secus igitur non facturi; praesentibus perlectis exhibenti restitutis. Datum in Gyalu tertio die festi epiphaniarum domini, anno eiusdem millesimo quadringentesimo sexagesimo primo.