Urkunde Nr. 3251 aus Band VI

Seite im UB:

99-100

Heute in:

Kronstadt, Staatsarchiv [Direcţia Judeţeană Braşov a Arhivele Naţionale ale Romȃniei]

Heutige Signatur:

Fond 1: Stadt Kronstadt [Primaria Municipiului Braşov], Privilegiensammlung (Colecţia privilegii) Nr. 155.

Druckvorlage:

nach Original

Abdruck als:

Volltext

Sprache:

Latein

---

3251

Ofen 1461 März 6 König Matthias verleiht dem Rat von Kronstadt das Recht mit rotem Wachs zu siegeln.

Von der Kanzlei: Commissio propria domini regis.

Mathias dei gratia rex Hungariae, Dalmaciae, Croaciae et cetera fidelibus nostris iudici iuratis ceterisque civibus, incolis¹⁾ ac inhabitatoribus et toti communitati civitatis nostrae Brassouiensis partium nostrarum Transilvanarum salutem et gratiam nostraeque regiae benevolentiae continuum incrementum. Cum sacri testimonio doceamur eloquii quod iudicium diligit honor regis, regiam decet clementiam sic circa honorificum statum suorum fidelium subditorum provide considerationis intuitum dirigere inter meritorum differentias iuste iudicando, ut fidelia obsequiorum merita non solum applicanda censeat praemiis, sed gratiosa etiam et affluenti regiae liberalitatis munificentia praemianda arbitretur sitque illis gratiosa quadam specialitate liberalior ad gratiam quos sincera fidei devotio prae ceteris reddit clariores, sic enim et regiae dignitatis gloria ereseit in sublime et suorum status subditorum optata suscipit incrementa. Proinde et si munificentiae nostrae gratia cunctis fidelibus nostris quorum actus pensamus et merita generali quadam affectione communis esse soleat; verum cum cogitationibus nostris se offerunt sincere fidei et fidelitatis vestrae merita, ad ipsius civitatis nostrae Brassouiensis commoda et utilitatem inter alias civitates regni nostri praerogativa quadam speciali multipliciter nos invitant. Inducimur siquidem ex antiquo fidei vestrae zelo qua quondam illustri domino Johanni de Hunyad perpetuo comiti Bistriciensi, gubernatori regni nostri Hungariae, genitori nostro carissimo et tandem etiam nostrae maiestati vosmet ipsos gratos reddidistis et acceptos et quam nec vetustas temporis antiquata debilitat nec annorum spatia fastidiata constringunt, sed quanto plus in tempore labitur, tanto semper in fidei huiusmodi devotione re-[S. 100] centior invenitur. Inducimur etiam ex pure devotionis vestrae constantia, quae nec pravorum interdum exemplo nec persecutionibus hostilibus sed nec cladibus nec ferro neque igne, quibus a multis iam retroactis annorum curriculis et praesertim post felicem obitum dicti genitoris nostri usque impraesentiarum pressi exstitistis stupefacti ab huiusmodo vere fidei constantia labefactari potuistis quin immo ipsa sincera fidei vestrae devotio tamquam lux serena semper in nubilo tribulationum eo exstitit ferventior, quo dampna saepe pertulit graviora, ut igitur tantam et tam sincere fidei et fidelitatis vestrae constantiam digne praemiando ceteros fideles nostros ad praeclara virtutum opera vestro provocemus exemplo. Praeter illam qua vos prosecuti sumus regiae liberalitatis temporalem munificentiam ipsam civitatem nostram Brassouiensem et vos cives suos perpetuis honoribus specialius attollere regia de benignitate volentes vobis et ipsi civitati nostrae id gratiose duximus concedendum et annuendum, annuimusque et concedimus, ut vos et omnes posteri et successores vestri cives videlicet et incolae dictae civitatis nostrae Brassouiensis a modo in antea in omnibus literis et literalibus instrumentis, epistolis, missilibus, privilegialibus et generaliter quarumcumque generum et sub quacumque forma verborum et in ac super quibuscumque tractatibus, iudiciis, contractibus, pactis, transactionibus et rebus aliis sub sigillo praefatae civitatis nostrae emanandis instar aliarum civitatum nostrarum regalium similis gratiae praerogativa utentium ac fruentium cera rubea, qua nos in signum regiae celsitudinis et alii quidam subditi nostra ex specialis gratiae praerogativa utuntur et fruuntur, in sigillando futuris semper perpetuis temporibus uti et frui valeatis et possitis valeantque et possint omnes posteri et successores vestri, cives et incolae civitatis nostrae Brassouiensis antedictae. Accipite igitur fideles dilecti in signum nostrae regiae benevolentiae usum rubeae cerae et ea libere utimini et gaudete, nec immerito exsultetis de tanto et tam excellenti nostrae regiae liberalitatis dono et nobis ac sacro regni nostri diademati inviolabiliter observanda vestrae fidei sincera devotio tanto in antea de bono crescat in melius, quanto maiestatem nostram in donis gratiarum novistis affluentiores. In cuius rei memoriam firmitatemque perpetuam praesentes concessimus literas nostras pendentis et authentici secreti sigilii nostri quo ut rex Hungariae utimur munimine roboratas. Datum Budae feria sexta proxima ante dominicam Oculi, anno domini millesimo quadringentesimo sexagesimo primo.

Auf der Plica: Lecta.

Auf der Rückseite gleichzeitig: Privilegium super rubea cera.


1) Bis hierher in grösserer verlängerter Schrift.^{^}