Urkunde Nr. 3256 aus Band VI

Seite im UB:

103-104

Heute in:

Kronstadt, Archiv der Honterusgemeinde

Heutige Signatur:

I E (Burzenländer Kapitel, Urkunden), Nr. 144 (Liber promptuarii capituli Braschowiensis), fol. 199v.

Druckvorlage:

nach Abschrift

Abdruck als:

Volltext

Sprache:

Latein

---

3256

Wien 1461 Juni 15 Frater Thomas Siculus, Prior des Kronstädter Dominikanerkonvents, urkundet über die Bücherstiftung des Jacobus de Roderbach.

Ego frater Thomas Siculus ordinis praedicatorum vicarius in Transsiluania ac prior immeritus conventus sancti Petri iamdieti ordinis et fratrum in Corona [S. 104] situati regni Vngariae recognosco per praesentes me recepisse pariter et transtulisse a venerabili domino et patre monasterii sanctae Dorotheae domino Stephano iamdicti monasterii praeposito in Wyenna situati quosdam libros ligatos per dominum Jacobum felicis recordationis de Roderbach olim confessorem monasterii sanctimonialium ecclesiae sancti Laurencii Wyennensis opidi ad Burziam videlicet sermones magistri Nicolai Dynkelspyl de tempore et de sanctis, item volumen, quod continet decem praecepta septem vitia octo beatitudines, tres partes poenitentiae, pater noster aliquos sermones super epistolas magistri Nicolai Dynkelspyl, item primam partem Byblye, item secundam partem Byblye, item novum testamentum cum uno quadrigesimali, item manuale confessorum cum lepra morali, item aliquos sextenos variorum doctorum nondum ligatos, qui ligari debent de pecuniis quas praefatus dominus Jacobus sanctimonialibus ad sanctum Laurentium legavit, item Omelye beati Gregorii cum aliis bonis tractatibus, item super officium missae cum quinque sensibus, item laudes Mariae, item quatuor libros dialogorum beati Gregorii. Quos libros iamtactus idem dominus Jacobus de Roderbach donavit legatoris sub modo fratribus et monasterio regni Vngariae saepedictis tali sub conditione, ut idem fratres saepedicti monasterii regni Vngariae seu eorum prior pro tempore existens cum consensu fratrum suorum unacum domino decano decanatus Brasschouiensis pro tempore existente, eosdem libros bonis et honestis sacerdotibus saecularibus accomodent, hoc addito ut ipsi pro eisdem libris aequivalentes reponant hac clausula dumtaxat semota cum ipsimet saepissimi dicti fratres eisdem libris per se indigerent. Insuper et hoc addito ut nullus priorum seu fratrum vel audeat a saepedicto monasterio quemquam supradictorum librorum alienare quocunque modo sine consensu iamdicti prioris et fratrum necnon domini decani Brasschouiensis pro tempore existentis. Et ego praefatus frater Thomas Siculus praefatum dominum Stephanum praepositum et suum conventum ex parte traditionis eorundem librorum servare indemnem promitto per quoscumque ipse vel suus conventuus fuerit inpugnatus. In quorum omnium singulorum praemissorum robur et testimonium praesens scriptum iamdicto domino ac patri Stephano praeposito loci praelibati reliqui et signeto meo usuali, quo utor, munivi et signavi. Datum Wyennae in die sanctorum Viti et Modesti martirum, anno domini millesimo quadringentesimo sexagesimo primo.

Von demselben Schreiber: Collationata et correcta per me Stephanum praepositum praefatum iuxta originale.