Urkunde Nr. 367 aus Band I

Seite im UB:

341-342

Heute in:

Budapest, Ungarisches Landesarchiv [Magyar Országos Levéltár]

Heutige Signatur:

DL (Diplomatikai Léveltár) Nr. 1976.

Druckvorlage:

nach Original

Abdruck als:

Volltext

Sprache:

Latein

---

367

Weissenburg 1319 September 15 Benedikt, Vikar des siebenbürgischen Bischofs, bezeugt, dass Comes Belus den dritten Theil des Dorfes Belleschdorf der Wittwe seines Bruders, Elena, überlassen hat.

[S. 342] Nos magister Benedictus archidiaconus de Tylegd venerabilis patris et domini Benedicti dei gratia episcopi Transsiluani vicarius generalis damus pro memoria, quod cum in octavis nativitatis beatae virginis domina Elena relicta Mychaelis fratris Belus de villa Teremi contra eundem comitem Belus de Ivedeech secundum formam literarum ipsius domini nostri episcopi testes producere debuisset, tandem per amicabiles compositores Nicolaum videlicet villicum comitemque Myke cives Albenses ac alios quam plurimos et ex bona voluntate eorundem ante productiones testium taliter se confessi sunt concordasse et coram nobis concordarunt, quod pro dote ipsius dominae idem comes Belus tertiam partem ipsius terrae seu villae Iuedeech cum omnibus utilitatibus suis, sicut idem Mychael maritus dictae dominae possedit, dat et assignat secundum consuetudinem regni eidem dominae Elenae possidendam, et coram nobis dedit et assignavit eidem, licet ut idem Belus dicebat quod dictus Mychael maritus dominae iam dictae ipsam tertiam partem pro decem marcis pignori obligaverit, tamen eadem domina cum ipso onere seu pignore acceptavit coram nobis, et nos ipsum comitem Belus ac alios fideiussores super impetitione dotis ipsius dominae reddidimus expeditos. Datum Albae, in octavis nativitatis beatae virginis praelibatis, anno domini M^o. CCC^o. X^o. nono.