Urkunde Nr. 3274 aus Band VI

Seite im UB:

113-114

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. V, Supplementa (Nova Collectio posterior) (Inventar 27), Nr. 1661.

Druckvorlage:

nach Original

Abdruck als:

Volltext

Sprache:

Latein

---

3274

1462 Februar 14 Der Rat von Hermannstadt gibt allen Inhabern richterlicher Gewalt im Lande bekannt, dass der Versuch, in dem Streit zwischen dem Steinmetz Martin und einigen Hermannstädler Bürgern einen Ausgleich zu treffen, gescheitert sei, und fordert sie auf, diese Hermannstädler auf Betreiben dieses Martin nicht weiter zu belästigen.

Universis et singulis cuiuscumque dignitatis praeeminentiae conditionis status et gradus hominibus et praesertim officialibus, iudicibus et iustitiariis [S. 114] quorumcumque locorum regni tam spiritualibus quam saecularibus praesentium notitiam habituris magister civium, iudices et iurati consules civitatis Cibiniensis paratam in singulis fermendi et complacendi voluntatem. Quia cum quidam magister Martinus Lapicida circumspectos viros Johannem Grwen nobis coniuratum ae Martinum Rembser et Mathiam Kolb nostros concives et nonnullos alios concives nostros in diversis locis nunc hic nunc ibi cum curribus et eorum mercimoniis et rebus arrestare, prohibere et impedire ac damnificare minusiuste et indebite non cessasset allegassetque. Qualiter ipse pro prosecutione sui iuris absque speciali nostri affidantia et assecuratione in nostri medium accedere non auderet, nos ulterioribus dampnis et incommodis concivium nostrorum in tempore consulere volentes ad ipsius magistri Martini Lapicidae requisitionem et instantiam ac literas castellani de Hwnyad superinde nobis missas eundem magistrum Martinum Lapicidam in eo literis nostris affidatoriis affidavimus et assecuravimus, ut ipse huc veniret et in causa cum dictis nostris concivibus habita se componeret et concordaret. Qui die datarum praesentium hic in civitate nostra Cibiniensi personaliter constitutis coram maiori parte consulatus nostri et certis de communitate eiusdem civitatis nostrae quos pro componendis et concordandis partibus specialiter deputaremus proposuit, qualiter ipse praetextu cuiusdam homicidii viginti duos florenos auri exsolvisset¹⁾ et in una balista cum attinentiis valente florenos auri decem propter dictos concives nostros dampnificatus extitisset. Et cum ipsi concives nostri praenominati cognovissent, quod idem Martinus in huiusmodi viginti duobus florenis auri et decem florenis auri in una balista cum attinentiis dampnificatus fuisset per diligentem interpositionem et medium dictorum de consulatu nostro et communitate civitatis nostrae volebant, ut iidem de consulatu et communitate nostris ad id per nos ut praemittitur deputati ad nos reversi referebant praefato Martino Lapicidae viginti duos florenos auri sic per eum exsolutos¹⁾ ac duodecim florenos pro dampnis et expensis in hac causa factis et ultra id pro doloribus suis quinque vel sex florenos auri expedire. Qui quidem Martinus hiis non contentus neque aliquam concordiam habere et suscipere volens coram dictis de consulatu et communitate nostris publice dicere habuit: Ego per amplius nullo iure hanc causam prosequi intendo sed ad talem locum [me] ²⁾ conferre volo ubi pro voluntate mea michi de dampnis, expensis et doloribus meis satisfactio impendetur; et sic e nostrae civitatis medio discessit. Quocirca vos universos et singulos et praesertim iudices et iustitiarios regni tam spirituales quam saeculares attentissime rogamus, quatenus a modo et imposterum convives et mercatores nostros aut alios quoscumque ad instantiam praefati Martini ratione praevia nusquam arrestare, prohibere et impedire velitis, sed potius eundem Martinum compellere et coartare velitis, ut ipse iuri et iudicio astare debeat et teneatur et causam huiusmodi decernatis et cognoscatis. Nam quidquid in ipsa causa decreveritis, iudicaveritis et cognoveritis praenominati concives nostri in eo per omnia stabunt contenti. Praesentes vero post earum lecturam petimus restitui praesentanti. Datum in festo beati Valentini martiris, anno domini millesimo quadringentesimo sexagesimo secundo.


1) Vorlage exol... [2x]^{^}
2) Lücke 5 mm. ^{^}