Urkunde Nr. 3295 aus Band VI

Seite im UB:

126-127

Heute in:

Kronstadt, Archiv der Honterusgemeinde

Heutige Signatur:

I E (Burzenländer Kapitel, Urkunden), Nr. 57.

Druckvorlage:

nach Original

Abdruck als:

Volltext

Sprache:

Latein

---

3295

Kronstadt 1462 November 4 König Matthias stiftet für das Peter- und Pauls-Kloster der Dominikaner in Kronstadt zwei Mark Silber jährlich zusätzlich zu den 10 Mark, die sein Vater Johannes von Hunyad dem Kloster verliehen hat.

Von der Kanzlei: Commissio propria domini regis Emerico thesaurario referente.

Nos Mathias dei gratia rex Hungariae, Dalmaciae, Croaciae et cetera memoriae commendamus tenore praesentium significantes quibus expedit universis, quod nos tum ad humilime supplicationis instantiam nonnullorum fidelium nostrorum per eos nostrae propterea porrectae maiestati, tum vero ob spem et [S. 127] devotionem nostras, quas ad beatos apostolos Petrum et Paulum in quorum nominibus gloriosis claustram ordinis fratrum praedicatorum in hac civitate nostra Brassouiensi fundatum est, gerimus et habemus speciales quorumque precibus nedum in terris verum etiam in coelis pie credimus confoveri, illam provisionem, quam condam illustris princeps dominus Johannes de Hwnyad comes Bistriciensis alias gubernator dicti regni nostri Hungariae et cetera genitor noster carissimus felicis memoriae eidem claustro et fratribus in eodem pro tempore degentibus de decem marcis argenti ex censibus nostris regalibus circa quodlibet festum beati Martini episcopi et confessoris de hac civitate nostra Brassouiensi singulis annis provenientibus in perpetuum fecisse dinoscitur¹⁾, ratam et gratam habuimus ac insuper eisdem decem marcis duas marcas argenti gratiose superaddidimus, ita ut a modo deinceps perpetuis semper successivis temporibus universis de huiusmodi censibus civitatis nostrae in toto duodecim marcae argenti in quolibet anno annotato claustro et fratribus in eodem pro tempore degentibus plene exolvantur, immo habemus et superaddimus ac ipsas duodecim marcas semper in regiam rationem computari volumus praesentium per vigorem. Quocirca vobis fidelibus nostris prudentibus et circumspectis viris iudici, iuratis ceterisque civibus et communitati huius civitatis nostrae Brassouiensis ac dicatoribus et collectoribus annotatorum censuum sancti Martini praesentibus et futuris praesentes visuris harum serie firmiter praecipientes mandamus, quatenusa modo imposterum dictas duodecim marcas argenti praefato claustro et fratribus in eodem degentibus de praefatis censibus singulis annis plene et integre exolvere ac ipsos census cum defectu huiusmodi duodecim marcarum argenti fisco regio aministrandos ex hac eadem civitate nostra Brassouiensi dare et exigere debeatis. Et secus facere non praesumatis praesentesque literas nostras, quas in huius rei memoriam firmitatemque perpetuam secreto sigillo nostro quo ut rex Hungariae utimur impendenti communiri fecimus, post earum lecturam semper reddatis praesentanti. Datum in dicta civitate nostra Brassouiensi feria quinta proxima post festum omnium sanctorum, anno domini millesimo quadringentesimo sexagesimo secundo.

Eigenhändige Unterschrift: Mathyas rex propria manu et cetera.

Auf der Plica: Lecta.

Auf der Rückseite von der Kanzlei: R(egestra)ta M. R.

Auf der Rückseite in Schrift des ausgehenden 15. Jahrhunderts: Braschouiae supereditio duarum marcarum supra x per regem Mathiam 1.4.62.


1) Vgl. Ub. V Nr. »2992.^{^}