Urkunde Nr. 3304 aus Band VI

Seite im UB:

135-136

Heute in:

Kronstadt, Staatsarchiv [Direcţia Judeţeană Braşov a Arhivele Naţionale ale Romȃniei]

Heutige Signatur:

Fond 1: Stadt Kronstadt [Primaria Municipiului Braşov], Privilegiensammlung (Colecţia privilegii) Nr. 162.

Druckvorlage:

nach Original

Abdruck als:

Volltext

Sprache:

Latein

---

3304

Kronstadt 1462 Dezember 3 König Matthias bestätigt für die neuen Ansiedler in Schirkanyen und Părău die Freiheiten der früheren Bewohner dieser Ortschaften.

[S. 136] Von der Kanzlei: Commissio propria domini regis.

Nos Mathias dei gratia rex Hungariae, Dalmaciae, Croaciae et cetera memoriae commendamus tenore praesentium significantes quibus expedit universis, quod nos de fide et fidelitate fidelis nostri circumspecti Georgii Byro civis et inhabitatoris civitatis nostrae Brassouiensis confisi eidem facultatem dedimus, ut ipse possessiones nostras Sarkan et Mykofalwa vocatas, in districtu de Fogaras existentes et habitas, per devastationem Wlad wayvodae desolatas, quas nos ipsi Georgio Byro simul cum omnibus utilitatibus et pertinentiis quibuslibet sub veris metis et antiquis earundem habitis, pro honore suo durante beneplacito nostro duximus dandas et deputandas, sub certis libertatum praerogativis populorum et incolarum multitudine decorare valeat atque possit. Quocirca vos fideles nostros universos et singulos populos et liberae conditionis homines harum serie assecuramus et certificamus, ut quicumque vestrum ad praetactas possessiones nostras Sarkan et Mykofalwa morandi causa venerit et descenderint in omnibus antiquis libertatibus, iuribus, consuetudinibus et praerogativis, quibus incolae et inhabitatores praefatarum possessionum nostrarum alias usi sunt et gavisi, uti et gaudere permittemus. Insuper in illis libertatum praerogativis quas praefatus Georgius Byro ratione descensus vestri vobis dandas concesserit inviolabiliter tenebimus et observari faciemus, harum nostrarum vigore et testimonio literarum mediante. Datum Brassouiae feria sexta proxima post festum beati Andreae apostoli, anno domini millesimo quadringentesimo sexagesimo secundo.

<ku<Auf der Rückseite von Hand des 16. Jahrhunderts (Pomarius): Literae donationis Zarkan ipsi Georgio Byro factae.

Von anderer Hand des 16. Jahrhunderts: Auff Schyrkein vnd Mikestorf.