Urkunde Nr. 3309 aus Band VI

Seite im UB:

139

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Heutige Signatur:

Stadt Bistritz [Primăria Oraşului Bistriţa] (Inventar 58ff.), Nr. 53.

Druckvorlage:

nach Einschaltung (Insert)

Abdruck als:

Volltext

Sprache:

Latein

---

3309

Klausenburg 1462 Dezember 15 Der Rat von Klausenburg leitet die Streitsache zwischen Michael Otthe und Benedictus an den Rat von Bistritz weiter.

Prudentibus et circumspectis viris iudici et iuratis civibus civitatis Bystriciensis fratribus ac amicis ipsorum sincere dilectis. Iudex et iurati cives civitatis Colusvariensis, prudentes et circumspecti viri fratres et amici carissimi. In figura nostri iudicii comparentes Michael Otthe dictus uti actor et quidam Benedictus uti in causam attractus per Michaelem propositum extitit pariter et relatum, quomodo ipse Benedictus ipsum Michaelem prope institam suam in foro diris offenset verberum plagis cuius vulnerationis¹⁾ emendam ab eodem Benedicto requiretur ordine iuris mediante. Quo audito ipso Benedicto constanter negavit, iudex vero decrevit ut ipse Michael sua proposita probare et affirmare debetur. Produxit itaque duos ex nobis iuratis et fratribus dilectis ipsam offensam conspitionem, qui concorditer retulerunt, quomodo ipsae quinque livores sive flaneas plagas vidissent. His auditis iudex finaliter decrevit ut pro qualibet plago flanea quadraginta denarios praefatus Benedictus ipsi Michaeli staret satisfacturus. Sed iamfatus Michael de iudicio iudicis non contentus causam suam in nostram provocavit deliberationem nos vero sententiam iudicis ratificando approbamus. Sed dictus Michael rursus non contentus causam suam in vestrarum amplissimarum provocavit deliberationem. Rogamus igitur vestram fidelem amicitiam, quatenus agnitionem ipsius causae vestris in literis nobis piscite significetis. Datum in Coluswar feria quarta proxima post festum beatae Luciae virginis, anno domini millesimo quadrigentesimo LX secundo.


1) Vorlage vol... ^{^}