Urkunde Nr. 3324 aus Band VI

Seite im UB:

148-149

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Heutige Signatur:

Stadt Bistritz [Primăria Oraşului Bistriţa] (Inv. 58ff.) Urkunden Nr. 55.

Druckvorlage:

nach Original

Abdruck als:

Volltext

Sprache:

Latein

---

3324

1463 Mai 31 Der Konvent von Kolozsmonostor bezeugt, dass Laurentius von Galatz zwei Prädien in Galaţii-Bistriţei und Lompert um 26 Goldgulden an Georg de Ernye verkauft hat.

Conventus monasterii beatae Mariae virginis de Colosmonostra omnibus Christi fidelibus tam praesentibus quam futuris praesentiam notitiam habituris salutem in salutis largitore. Ad universorum notitiam harum serie volumus pervenire, quod Laurencius filius quondam Petri de Galatz oneribus et quibusvis gravaminibus quorumlibet fratrum et consanguineorum suorum in subnotandis per omnia super se assumptis et receptis ab una parte vero ex altera Stephanus filius quondam Georgii de Ernye coram nobis personaliter constituti praefatus Laurencius vivae vocis oraculo spontaneaque sua voluntate confessus extitit in hunc modum: Quod ipse dua praedia sua quorum unum in praedicta possessione Galaz vocata in de Doboka inter domus Johannis Mensaros ab orientali el Ladislai Lomperthy ab altera occidentali plagis, aliud [S. 149] vero in possessione Lomperth nuncupata penes domum Nicolai Mayor ab orientali et ex opposito Balthasar¹⁾ de Colos comitatibus existentia adiacentia ipsum iure hereditario concernentia cum cunctis eorundem utilitatibus et pertinentiis quibuslibet videlicet terris arabilibus cultis et incultis, pratis atque fenetis, silvis, nemoribus, aquis aquarumque decursibus et generaliter quibuslibet utilitatum integritatibus iure ad eadem spectare debentibus memorato Stephano et per eum suis heredibus heredumque suorum successoribus universis pro viginti sex florenos puri auri plene ut dixit receptis et habitis ab eodem perpetuo et irrevocabiliter vendidisset dedisset et [tradidisset ten]²⁾endum, possidendum pariter et habendum, immo vendidit, dedit et tradidit coram nobis assumens nichilominus et obligans se praelibatus Laurencius annotatum Stephanum contra quoslibet iuridice impetitores in dominio praetactorum praediorum pacifice et quiete conservare propriis suis laboribus et expensis. In cuius rei memoriam firmitatemque perpetuam praesentes literas nostras privilegiales pendentis et autentici sigilii nostri munimine roboratas duximus concedendas. Datum feria tertia proxima post festum Penthecostes, anno domini millesimo quadringentesimo sexagesimo tertio.


1) Lücke 12 mm breit, Schrift geschwunden.^{^}
2) Schrift geschwunden.^{^}