Urkunde Nr. 376 aus Band I

Seite im UB:

347-348

Heute in:

Karlsburg (Weissenburg), Batthyaneum [Biblioteca Naţională a României, Filiala Biblioteca documentară Batthyaneum, Alba Iulia]

Druckvorlage:

nach Original

Abdruck als:

Volltext

Sprache:

Latein

---

376

Temeswar 1320 Juni 2 ^a) Oberstschatzmeister Demetrius spricht die Besitzungen Ompolyicza und Abrudbánya dem Weissenburger Kapitel zu.

Demetrius magister tavernicorum domini regis inter discretos viros capitulum ecclesiae beati Mychaelis archangeli Transsiluanae ab una parte et inter hospites de Craco et Igun ex altera in facto possessionum Ompeycha et Obrudbania vocatarum per dominum nostrum regem pro iudice deputatus, damus pro memoria, quod cum ad mandatum seu praeceptum domini regis literatorie directum dictum capitulum contra praefatos hospites in octavis Pentecostes¹⁾ coram ipso domino rege comparere et utraque pars sua instrumenta super facto dictarum possessionum Ompeycha et Obrudbania exhibere debuissent, advenientibus ipsis octavis magister Petrus archidiaconus de Zonuch et decanus praedicti capituli et magister Johannes archidiaconus de Ozd cum procuratoriis literis ipsius capituli pro eodem [S. 348] ab una parte, ab altera vero Georgius Longus et Nycolaus filius Jacobi hospites de Craco ac Halmannus Albus de Igen pro se et pro omnibus hospitibus de eisdem consociis suis una cum Beke filio Stephani de Dengeleg homine magnifici viri Deuse vaivodae Transiluani et comitis de Zolnoch comparuerunt in figura iudicii coram nobis. Et cum instrumenta ab eisdem hospitibus super facto dictarum possessionum, ut iuris ordo expostulat, exhibere petiissemus, nulla penitus potuerunt in facto dictarum possessionum exhibere, nisi privilegia piorum regum Belae et Stephani seriem libertatum suarum et collationem quarundam aliarum possessionum continentia. Et cum adhuc semel, secundo, et tertio instrumenta super facto dictarum possessionum ab ipsis hospitibus petiissemus, responderunt, quod dictae possessiones in nullo ad ipsos pertinerent nec aliqua super facto earundem haberent instrumenta, nec quidquam materiarum super ipsis possessionibus contra praedictum capitulum suscitandi haberent quaestionis. Dicti vero procuratores capituli memorati exhibuerunt in instanti patentes literas domini nostri regis, quibus mediantibus idem dominus rex per specialem hominem suum praefatas possessiones ante dicto capitulo fecerat assignari et statuere legitime nullo contradictore existente. Alia etiam evidentia instrumenta praedicti procuratores capituli memorati super ipsis possessionibus dixerunt se habere. Nos igitur una cum regni baronibus et nobilibus nobiscum in iudicio consedentibus auditis dictorum hospitum propositionibus et tenore literarum ipsius domini regis plene intellecto easdem possessiones in ius et proprietatem dicti capituli devolvendas decrevimus iuxta formam literarum patentium praedictarum habendas et tenendas auctoritate vice et nomine domini nostri regis memorati. Datum in Temeswar, in crastino quindenarum Pentecostes, anno domini M^o. C^o C^o C^o. XX^mo.


a) Ausstellungsort im UB als: Temesvar.^{^}

1) Mai 25. ^{^}